web counter
LEXO PA REKLAMA!

SHKARKO APP

App Store
Google Play

Sasi e madhe droge dhe lekësh/ Në pranga 1 shqiptar dhe 2 italianë

27 Shtator 2017, 18:41, Aktualitet CNA

Policia e Milanos ka vënë në pranga një çift italianësh dhe një shqiptar, G.C., 34 vjeç, V.R., 27 vjeç dhe E.N., 37 vjeç. Çifti është gjetur me 11.7 kg marijuanë dhe 19.900 euro, ndërsa shqiptari me 2 kg kokainë dhe 11 mijë euro, një pistoletë të vjedhur me më shumë se 50 plumba dhe material për paketimin e dozave të drogës.

Shqiptari u takua  pranë një vile me 34-vjeçarin, ndërsa gruaja priste me makinë jashtë dhe më pas të gjithë u larguan duke u shpërndarë.

27-vjeçarja italiane e padënuar më parë dhe 34-vjeçari italian me precedentë për grabitje dhe shpërndarje droge u ndaluan nga policia, e cila ushtroi kontroll në vilën ku u bë takimi me shqiptarin.

Agjentët gjetën në një dhomë 7 pako me marijuanë, më shumë se 1 kg drogë secila si dhe 9 pako të tjera me 9 zarfa sërish me marijuanë, në total 11.7 kg. Në një dollap, të futura në një bluzë u gjetën 19.900 euro para CASH në prerje 100 dhe 50 euro.

Shqiptari kishte me vete 2000 euro si dhe 3 celularë. Nga kontrolli i banesës së tij, u gjetën 2 kg kokainë të fshehur në një vrimë në muret e dhomës së gjumit të ndarë në dy pako, një armë e vjedhur tre vjet më parë në Brescia, 54 fishekë të kalibrit 9.21 dhe një i kalibrit 7.65, si dhe 9000 euro në para CASH. Në shtëpi ai gjithashtu kishte pajisje të plotë për dozimin dhe një makinë për numërimin e parave. Shqiptari ka rezultuar me precedentë të shumtë edhe për shpërndarje,  për rrëmbim personi në vitin 1999, dhe një për vrasje./CityNews





Lajmet e fundit nga