web counter
LEXO PA REKLAMA!

SHKARKO APP

App Store
Google Play

E fundit!

x

Emisioni BOOM denoncon ujësjellësin e Shijakut

26 Shtator 2017, 19:03, Aktualitet CNA

Emisioni BOOM udhëtoi sot drejt Katër Rrugëve të Shijakut, ku solli denoncimin e qytetarit Emin Mema. Këtij të fundit, Ujësjellës Kanalizimet e Shijakut i kanë hapur dy kontrata uji, një në emër të tij dhe një në emër të djalit.

Problemi daton në vitin 2007, kur i biri ishte vetëm 14 vjeç. Duke mos qenë në dijeni të këtij problemi, zotërisë i ka arrdhur urdhër-ekzekutimi nga përmbarimi së bashku me borxhin e akumuluar mbi 1 milion lekë të vjetra.

Me ndërmjetësimin e BOOM, Ujësjellës Kanalizimet Shijak pezulluan ekzekutimin e titullit ekzekutiv nga përmbarimi si dhe pezulluan kontratën në emër të Osman Memës, duke lënë aktive vetëm kontratën e zotit Emin Mema.

Denoncimi i qytetarit

Emin Mema: Më ka ardhur përmbarimi i Durrësit, një lajmërim për ezekutim vendimi një kontratë në emrin e djalit.

Gazetarja: Një kontratë me Ujësjellës Kanalizimet e Shijakut e cila është hapur?

Emin Mema: Në 2007.

Gazetarja: Si quhet djali dhe çfarë moshe ka?

Emin Mema: Djali quhet Osman Mema dhe është 24 vjeç, në atë kohë i bie të ketë qenë 14 vjeç.

Gazetarja: Djali jua në moshën 14 vjeçare rezulton të jetë me kontratë uji dhe sot është debitor?

Emin Mema: Po, sot është debitor 1 milion e sa lekë të vjetra.Çështja ka kaluar në Përmbarim ndërkohë që mua nuk më ka ardhur asnjë faturë këtu.

Gazetarja: Ju dispononi librezë uji, jeni i rregullt sa i përket pagesave?

Emin Mema: Komplet i rregullt, kam dhe librezën të paguara në emrin tim. E paguajmë afrofe, për frymë.Jemi katër pjestarë.E vërteton dhe libreza. Iu drejtuam Ujësjellësit në Shijak fillimisht, ata na thonë kontaktoni me Durrësin. Shkojmë në Durrës. Drejtoresha thotë nuk e pranojmë ankesën. Vimë sërish në Shijak, bëjmë një ankesë tjetër.Morëm dhe debitë që kishim.Ta verifikojmë këtë punë sepse nuk ka mundësi me një shtëpi të jenë dy kontrata.

BOOM iu drejtua Ujësjellës Kanalizimeve në Shijak, ku bisedoi me Përgjegjësin Ivo Doçi.

Ivo Doçi: Sa i përket kohës së 2007 unë nuk figuroj në sistem dokumenta të zotërisë Osman Emin Mema, nuk shikoj të ketë aplikuar apo të ketë dokumenta. Do ta rishqyrtojmë kërkesën e zotërisë sepse dhe ne kemi zyrën juridike, kemi zyrat që aplikojnë kontratat po në Durrës.

Gazetarja: Zona që është zotëria ka një numër 500, ndërkohë kontrata e djalit ka një numër 700. Mos po flasim për dy zona të ndryshme në bashkinë e Shijakut?

Ivo Doçi: Dhe kjo ka ndodhur, është ngatërrim shtegu. Por ne i kemi zgjidhur këto probleme, ka pasur abonentë që kanë ardhur dhe janë ankuar, kemi bërë verifikimet e duhura dhe normalisht i kemi pezulluar kontratat.

Dhjetë ditë pas takimit me Përgjegjësin e Ujësjellës Kanalizimeve në Shijak, ky i fundit vuri në dijeni sot BOOM se është bërë pezullimi i ekzekutimit të titullit ekzekutiv me kërkesë të palës kreditore, në këtë rast Ujësjellës Kanalizimeve, nga ana e zyrës përmbarimore.

Si dhe është bërë pezullimi i kontratës në emrin e Osman Memës dhe është aktive vetëm kontrata në emër të kryefamiljarit Emin Mema.





Lajmet e fundit nga