Portretet/Tre moskëtierët e Operacionit Ndërkombëtar të Monitorimit të vettingut

26 Shtator 2017, 18:17, Aktualitet CNA

Operacioni Ndërkombëtar i Monitorimit (ONM) të procesit të vettingut ka në krye të grupit drejtoreshën e KE për Ballkanin Perëndimor, spanjollen Genoveva Ruiz Calavera, por edhe tetë ekspertë të përzgjedhur sipas raportit shtatë nga gjyqësori i BE dhe një nga ai i SHBA. Midis grupit të tetëshes tre janë mosketierë të vërtetë, dy prej të cilëve nga Europa dhe njëri nga Amerika.

Brano Hrvatin është një nga figurat emblematike të drejtësisë kroate dhe një nga përfaqësuesit e grupit të OMN, që falë ngjashmërisë së ish situatës së drejtësisë në vendin e tij, është më pranë realitetit shqiptarë.

Hrvatin ka qenë prej dymbëdhjetë vitesh kryesues i Gjykatës së Lartë të Kroacisë. Është diplomuar në Universitetin e Zagrebit, ka shërbyer si gjyqtarë në kryeqytetin e Kroacisë, kurse në vitin 2004 u bë pjesë e Gjykatës së Lartë kroate në krye të të cilës do të kalonte dymbëdhjetë vite, duke qenë pjesë vlerësuese e një serie gjyqesh kundër ish kastës së korruptuar politike të atyre viteve, midis të cilëve edhe Ivo Sanader, ish kryeministri që përfundoi në burg.

Ferdinando Buaer de Mongeot është një tjetër mosketier i ONM. Shërben si gjykatës penal në Gjykatën e Comos në Itali. Buaer de Mongeot ka qenë anëtar i gjyqësorit të vendit të tij që prej vitit 1995, ku ka shërbyer në poste të ndryshme si gjyqtar, më së fundmi në gjykatat e Aostës dhe Comos. Është gjithashtu i kualifikuar si avokat. Ka qenë i përfshirë në një numër akvitetesh ndërkombëtare dhe nisma bashkëpunimi në vendet e treta, i përfshirë në nismat e BE-së si gjyqtar ndërkombëtar në gjykatat e rrethit për EULEX- Kosovë dhe si Këshilltar i Binjakëzimit në kuadrin e një Projek CARDS të BE-së, që synonte luftën kundër krimit të organizuar dhe korrupsionit në Zyrën e Prokurorit të Shtet në ish-Republikën Jugosllave të Maqedonisë. Z. Buaer de Mongeot është diplomuar për drejtësi në Universiten e Gjenovës.

Jon S. Leonardo është një tjetër mosketier i grupit dhe i vetmi amerikan pjesë e tij. Leonardo vjen nga shteti i Arizonës ku deri në çastin që ju bashkëngjit OMN shqiptare ushtronte detyrën e Prokurorit të Përgjithshëm. Siç shkruhet në biografinë e tij profesionale, Leonardo është diplomuar në vitin 1972 për jurisprudencë në Univeritetin ?George Washington?, ndërsa më parë ishte diplomuar në Universitetin ?Notre Dame?.

Nga viti 1973 deri në vitin 1982 ka shërbyer në shtetin e Indianës dhe nga 1982 deri në 1993 ne distriktin e Arizonës./CityNews