web counter
LEXO PA REKLAMA!

SHKARKO APP

App Store
Google Play

E fundit!

x

Editorial/Unë të jap lekët ti më jep diplomën/ Universitetet si tregu fruta -perime

26 Shtator 2017, 17:30, Aktualitet CNA

Të fiksuar vetëm tek drejtësia autoritetet përgjegjëse të luftës ndaj korrupsionit kanë lenë pas dore edhe një sektor tjetër, në përmasë po aq të korruptuar sa drejtësia, përfaqësuesit e të cilit prej 27 vitesh vijojnë të mbushin thasët me para gjaku të shqiptarëve.

Fjala është për arësimin, ku më i shquar është ai univesitar, në të cilin fal parave nën dorë mund të blesh një diplomë megjithse je tërësisht i paditur dhe nuk e frekuenton mësimin fare.

Lidhur me prezencën e këtij të fundit, jo më larg se dje CityNews publikoi denoncimin e një studenti të Fakultetit të Ekonomisë në Universitetit ?FanS.Noli?, i cili, për të disatën herë adresonte si shqetësim  të përsëritur se Universiteti i Korçës të jep diplomë me lekë.

?Edhe po nuk mësove, një copë pesë e merr me 150 apo 250 euro. Varet nga pedagogu dhe provimi, por edhe sekseri?, shkruante studenti në mesazhin e tij drejtuar Citynews, duke i cilësuar ?peshkaqen? të  njohur nga të gjithë jo vetëm në fakultet, por edhe në Korçë, pedagogët matrapazë.

Shumë prej atyre që japin mësim janë të paaftë,i bëjnë lëndët kot të vështira për të marrë para, shesin librat apo teoritë e tyre, që në fakt janë kopje dhe përkthime nga të huaj, por edhe ato i kanë kopjuar keq, tjetër japin në leksione e tjetër kërkojnë në provime. Tezat dalin shpesh, por edhe po nuk gjete tezën me parapagesë, provimin e kalon po ke gjetur sekserin e duhur. Provimi eshte 150 euro në këta si më ?të mirët?, këta më ?të egrit? e kanë dorën e rëndë ka edhe me 250 euro, denonconte student korçar, kurse në fakt kjo skemë funksionon si e tillë në të gjithë rrjetin e universiteteve të vendit.

Ndërkohë një ditë pas denoncimit të studentit korçar, një tjetër mbrin nga studentë të Universitetit të Elbasanit. Eshtë po i njëjti fenomen i shndërrimit të tij në treg fruta-perimesh. Edhe në këtë tempull të dijes funksionon po e njëjta skemë: Unë të jap lekët dhe ti më jep notën e lartë e diplomën. Pjesë e këtij pazari janë edhe dekanët, shkruhet në denoncimin adresuar CityNeës.

?Fjala është për persona që kanë vite që jetojnë në emigracion dhe që figurojnë në regjistrat e këtij fakulteti sikur të ishin studentë aktivë, por në fakt ata janë fiktive, dhe të vlerësuar? lexohet në denoncim ku sillet fakti se: ?Ka 4 vjet që afro 13 vajza dhe djem kanë emrin në regjistrin tonë, por ne nuk i kemi parë dhe takuar asnjëherë në klasa, në leksione, dhe që në çdp provim marrin nota 9 ose 10. Kemi pyetur edhe pedagogët tanë dhe përgjigja ka qenë ?mos u merrni me gjëra që nuk ju takojnë, shikoni të merrni 5 tuaj…Flagrante kanë qenë rastet edhe në degët part-time , ku kishte studentë që nuk shkonin një orë të vetme në leksione dhe që në fund të 4 viteve, ata marrin  listën me nota shkëlqyeshëm, dhe diplomën me goxha ceremoni… Sa herë vijnë sezonet e provimeve, ne konstatojmë se ata persona edhe pse nuk kanë qenë prezentë gjatë leksioneve, janë të pranishëm ditën e provimeve nga persona të tjerë të jashtëm, dhe vlerësohen me nota të shkëlqyera, dhe pavarsisht kësaj asnjë nga ne nuk flet, sepse e pëson duke marrë  notë negative, dhe nuk e merr për 5 vjet provimin, edhe me para…?.

Por ajo që i vë kapakun gjithë kësaj maskarade matrapazllëku kriminal është heshtja e Ministrisë së Arsimit dhe e institucioneve të hetimit e ndëshkimit të cilat megjithëse janë njohur me fakte të tilla kanë heshtur, duke u bërë palë me abuzuesit.

?Raste të tilla abuzimi me detyrën janë denoncuar prej vitesh edhe në organet e drejtësisë në Elbasan, por ndoshta molepsja ka prekur edhe segmente të caktuara të atyre institucioneve, e cila zë fill nga fakultetet dhe dekanët e UE?, përmend denoncimi i ardhur nga student të Elbasanit./CityNews





Lajmet e fundit nga