EDITORIAL/ Asgjë e re nga fronti i Lulit

15 Shtator 2017, 07:30, Aktualitet CNA

Kryetari i Partisë Demokratike Lulzim Basha dje ishte i ftuar në emisionin Opinion në TV Klan ku dhe kishte zgjedhur që në panel të kishte 2 gazetarë të cilët nuk janë thellësisht kritikë të tij.

Gjithsesi debatit nuk i munguan pyetjet e drejtpërdrejta nga gazetarët dhe moderatori i emisionit, të cilët kërkuan të zbulonin të vërtetat e Bashës.

Në fakt Lulzim Basha dje ishte po i njëjti, nuk kishte asgjë të re nga fronti i Lulzim Bashës. Ishte po ai që nuk u votua në 25 qershor. Ishte po ai që vodhi postin e kryetarit të PD-së në 22 korrik.

Basha në misionin e djeshëm ishte epiku i paaftësisë së 4 viteve të shkuara. Pra në studio, ishte po i njëjti Lulzim që kemi dëgjuar në vitin 2013-të pasi u zgjodh nga Sali Berisha si kryetar i PD-së.

Mjafton ta shikosh me vëmendje emisionin e djeshëm dhe e kupton se Basha është i njëjti i katër viteve më parë, jo vetëm në artikulim por edhe në aksionin politik i ka ngelur ora aty ku e nisi.

Pra në 4 vite Lulzim Basha nuk ka bërë asgjë. Thjesht dhe vetëm ka një marrëveshje me Edi Ramën dhe disa përjashtime në parti për të kapur karrigen e kryetarit.

Në emision kreu demokrat tha se ishte ai që kishte firmosur një marrëveshje me Edi Ramën, por i detyruar nga ndërkombëtarët pas refuzimit që i kishte bërë BE-së, Basha pranoi ultimatumin amerikan.

Më në fund pas gati 5 muajsh kreu demokrat pranon kritikat e zërave ndryshe në partinë e tij, se po e kthente Partinë Demokratike në një parti antiperëndimore.

Më tej Basha i pyetur në lidhje me përjashtimet nga lista e disa prej personaliteteve të Partisë Demokratike, tha se nuk ndjente pendesë dhe se ishte ai përgjegjës për përjashtimet e ndodhura.

E gjitha që panë dhe dëgjuan shqiptarët ishte thjesht retorika e radhës. Fjalë dhe argumenta që Basha i ka përmendur dhe thënë çdo ditë. Të gjitha kanë praprashtesën ?Unë jam përgjegjësi për listat?; ?Unë jam përgjegjësi për humbjen?; ?Unë jam përgjegjësi për marrëveshjen?. Të gjitha janë dëgjuar dhe përsëriten e ripërsëriten. Ndoshta në retorikë politike, Lulzimi kërkon t?iu mbushë mendjen demokratëve se ai e ka kuptuar gabimin. Por në fakt bëhet edhe më qesharak. Sepse të gjithë e dinë se përgjegjësi për bëmat dhe gjëmat e PD-së në këto 4 vite është Lulzim Basha. Por asnjëherë nuk ka mbajtur asnjë përgjegjësi.

Pikërisht ky është problemi për Lulzim Bashën, kudo që shkon i ka krijuar probleme Partisë Demokratike. Edhe kur ka qenë ministrive; edhe tani në krye të PD-së.

Lulzim Basha dje nuk tha asgjë të re. Ai thjesht dhe vetëm përsëriti qëndrimet dhe qëllimet e tij që lidhen thjesht dhe vetëm me karrierën personale. Nuk kanë të bëjnë aspak me të ardhmen e Partisë Demokratike. Mjafton që ai të mbajë karrigen, është i gatshëm të bëjë gjithçka. Dhe ?krimin? e tij e hakmarrjen ta vazhdojë deri në fund pavarësisht se pasojat i ka PD-ja, mjafton që Luli të lulëzojë në krye të PD-së qoftë edhe me disfata e katastrofa elektorale.

Asgjë e re nga fronti i Lulit përveç faktit që pranoi se për pak çaste PD-ja do të ishte forca politike më antiperëndimore në Shqipëri. /Citynews