web counter
LEXO PA REKLAMA!

SHKARKO APP

App Store
Google Play

E fundit!

x

Shtet i pashpirt, a ju ka mbetur fije arsyeje?/ Klajda Gjosha reagon ashpër pas dhunës në Shkozë

14 Shtator 2017, 21:13, Aktualitet CNA

Ish-ministrja Gjosha dhe deputete aktuale e LSI-së ka reaguar ashpër pas dhunës së ushtruar nga policia në Shkozë në protestën e banorëve për prishjen e banesave të tyre për të ndërtuar Unazën e re.

Gjosha e cilëson shtetin të pashpirt dhe bën thirrje për çdo iniciativë që lehtëson dhimbjen e atyre banorëve.

REAGIMI I GJOSHËS

Ishte e vështirë të shikoje sot banorët e Shkozës që po ju prisheshin shtëpitë e tyre. Ishte e veshtirë të dëgjoje fjalët drithëruese të një fëmije të pafajshëm, i cili mes lotësh shpresonte se dikush do ta degjonte. Janë këto pasojat e para të votës së 25 Qershorit, votë kjo që u mor mes shumë mashtrimesh por njëra prej tyre ishte pikërisht se banorëve ju premtua se nuk do t?ia prishnin shtëpitë që ishin gjaku dhe djersa e tyre! Por 25 Qershori kaloi shumë shpejt dhe meqënëse vota e tyre e kreu detyrën më së miri, ajo cka mbetet është vetëm keqtrajtimi, ushtrimi i pushtetit në një mënyrë të turpshme dhe mosmbajtja e fjalës!
I bëj thirrje autoriteteve që të ndalin prishjet dhe të arrihet sa më parë një marrëveshje mes banorëve që janë njerëz të thjeshtë dhe të varfër dhe institucioneve përkatëse. Cdo iniciativë që lehtëson sado pak dhimbjen e tyre sot ka vlerë, kuptohet nëse ka mbetur një fije arsye në këtë shtet të pashpirt!  /Citynews





Lajmet e fundit nga