Gjirokastër/ Goditet një rast trafikimi i lëndëve narkotike

15 Shtator 2017, 07:12, Aktualitet CNA

Në Gjirokastër policia në kuadër të operacionit ?Koshtan? ka arrestuar në flagrancë një shtetas me akuzën e shitjes dhe trafikimit të lëndëve narkotike.

N.K, 45 vjeç, banues në Libohovë, Gjirokastë u vu në pranga nga seksioni i hetimit të narkotikëve në bazë të informacioneve të marra në rrugë policore se dispononte kanabis.

Atij i janë gjetur 6 kg lëndë narkotike pas kontrollit në banesë, ndërkohë që në disa banesa të tjera në fshatin Koshtan në Memaliajt janë gjetur të tjera sasi droge.

LAJMËRIMI I POLICISË

Memaliaj dhe Gjirokastër.

Goditen dy raste të Prodhimit dhe shitjes së lëndëve narkotike.

Operacion antidrogë i koduar “KOSHTAN”.

Arrestohet në flagrancë një shtetas, si dhe vijon puna për identifikimin dhe kapjen e autorit/ëve të tjerë.

Sekuestrohen gjithsej 81 kg lëndë e dyshuar narkotike Cannabis Sattiva dhe një armë gjahu.

Në vijim të punës për parandalimin dhe goditjen e prodhimit dhe shitjes së lëndëve narkotike, gjithashtu dhe në vijim të kontrollit të territorit, si dhe mbi bazë të informacioneve të marra në rrugë policore, shërbimet e Komisariatit të Policisë Tepelenë në bashkëpunim me specialistët e seksionit të Hetimit të Narkotikëve në D.V.P. Gjirokastër kanë zhvilluar një operacion antidrogë.

Si rezultat i operacionit të koduar “KOSHTAN”, në një banesë të braktisur, në fshatin Koshtan, Memaliaj, nga shërbimet e policisë u gjetën disa thasë, brenda të cilëve kishte lëndë të dyshuar narkotike Cannabis Sattiva, si dhe një armë gjahu teke e markës “Bajkal”.

Pesha totale e lëndës ishte 75 kg, e cila u sekuestrua në cilësinë e provës materiale.

Po punohet për identifikimin dhe kapjen e autorit/ëve.
———————————-

Gjithashtu nga specialistët e seksionit të Hetimit të Narkotikëve u bë arrestimi në flagrancë i shtetasit :

N.K, 45 vjeç, banues në Libohovë, Gjirokastër.

Arrestimi i këtij shtetasi u bë pasi :

Në bazë të informacioneve të marra në rrugë policore se shtetasi i mësipërm dispononte lëndë narkotike Cannabis Sattiva në banesën e tij, nga shërbimet e policisë u krye kontroll në këtë banesë.

Nga kontrolli i ushtruar u gjetën dy qese dhe një thes brenda të cilëve kishte lëndë narkotike Cannabis Sattiva.

Pesha totale e lëndës ishte 6 kg, e cila u sekuestrua në cilësinë e provës materiale.

Materialet i kaluan Prokurorisë së Rrethit Gjyqësor Gjirokastër për veprime të mëtejshme.