E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Analiza/ Berisha dhe kritikët e Bashës

15 Shtator 2017, 10:23, Aktualitet CNA

Ish-kryeministri dhe lideri historik i Partisë Demokratike në një dalje të tij televizive 2 ditë më parë në emisionin ?Fakt? të gazetarit Çim Peka thumboi Lulzim Bashën, por në përfundim e mori në mbrojtje atë.

Berisha e kritikoi për listën, foli për këshilltarët e Lulit por asnjëherë nuk tha se cilat janë përgjegjësitë që duhet të mbajë Lulzim Basha. Berisha ashtu si dhe vetë Luli ngelen te kuadri i konstatimit se kreu i PD-së ka përgjegjësi. Por se cilat janë ato që duhet të marrë dhe kostot e tij, as Sali Berisha nuk i kërkon.

Përballë Berishës qëndrojnë edhe kritikët e Bashës për të cilët sërish Berisha nuk tha se çfarë hapi mirëpriste. Pra bashkim, vlerësim të platformës së tyre, lëvizje për reformimin e PD-së, por në fund i?u tremb vetëm ndarjes dhe tha se ai do të qëndronte i dyti edhe sikur në PD të kishte ngelur vetëm 1 person.

Pra me pak fjalë edhe sikur PD të ngelet vetëm me Lulin, Sali Berisha do t?i qëndrojë nga pas.

Këtë kritikët e Bashës e dinë mjaft mirë, por të gjithë janë të ndryshëm dhe qasjen ndaj Berishës e kanë të ndryshme. Përjashto Astrit Patozin i cili në disa raste i ka dalë hapur në kritika Berishës, të tjerët vazhdojnë të shohin ëndrra dhe shpresojnë që Saliu do të shesë Lulin dhe t?iu falë atyre partinë. Në fakt Berisha e ka zgjedhur trashëgimtarin e tij. Çështja qëndron, sa peshë do të kenë kritikët për ta shembur Lulin bashkë me mbështetjen e Sali Berishës për të ndërtuar një forcë politike opozitare qartësisht të djathtë dhe larg pazareve me Edi Ramën dhe qeverinë.

Pa dashur të drejtojë gishtin apo mërzitur ndokënd, mund të them se Jozefina shikon ëndrra sikur Berisha është prishur me Lulin dhe po vjen dita e qametit për këtë të fundit. Të njëjtën histori mund të kenë shumë kritikë të Bashës. Astriti ndoshta është më me këmbë në tokë, por edhe ai vetë ruhet nga pjesa e militantëve stoikë që nuk i ndahen Sali Berishës.

Berisha nga ana e tij ndodhet në një pozicion kritik për shkak të shumë deputetëve qesharakë demokratë dhe asaj që ndodh në grupin parlamentar. Por askush mos të ketë dyshime se ata i ka problem. Rivalët e vërtetë të Sali Berishës dhe faktorët e debatit në opinionin publik duhet të jenë kritikët e Lulzim Bashës që duhet të kthehen ballazi tek Berisha, ta vlerësojnë atë si lider historik por edhe t?i japin kostot e vërteta për atë që po ndodh në Partinë Demokratike.

Nuk duhet të shohim më ëndrra me humorin e doktorit, por duhet t?i dalin përballë Bashës dhe Berishës brenda partisë me lëvizje konkrete minimalisht duke krijuar një fraksion të fortë në bazë duke ecur përballë Bashë dhe Berishës për të treguar se ata janë 230 mijë votat e munguara të PD-së në kuti, se ata janë faktori që sjell çelësin e fitores.

Por për t?u bërë atraktivë dhe të besueshëm nuk mund të fshihen pas kompleksit të Berishës dhe të shohin ëndrra me humorin e tij. Ata duhet të bashkohen, të krijojnë minimalisht një bord drejtues; të udhëhiqen nga parimi se PD-ja është mbi ta dhe mbi Lulzim Bashën. Dhe sot shqiptarët më shumë se kurrë kanë nevojë për një opozitë të vërtetë jo për Lulin e Edi Ramës, as për Lulin e Saliut, por për qëndrime, ide dhe veprime konkrete opozitare.

Kritikët e Lulzim Bashës duhet t?i dalin përballë Berishës dhe duhet të kenë qëndrim për gjithçka ndodh jo thjesht të ekzaltohen disa kur flet Berisha e të sulmojnë disa kur ndodh bëma me votimin e Gramoz Ruçit. Ata nuk mund të shfaqen sa herë Basha hap nga një gropë, por duhet t?ia thellojnë atë për ta larguar përfundimisht qoftë edhe së bashku me Sali Berishën në rast se do të ishte e nevojshme. Jo thjesht për të marrë drejtimin e siglës PD, por për të drejtuar opozitën e munguar në Shqipëri,atë opozitë që Lulzim Basha sot pas 4 vitesh drejtimi të PD-së e ka kthyer sërish në vitin 0. Luli është në krye të PD-së, ajo është më e vogël por prapë drejtohet prej tij dhe kritikët e tij jetojnë me kompleksin Berisha.

Po nuk vranë këtë kompleks dhe po nuk dolën përballë dhe hapur me lëvizje konkrete dhe strategji të mirëmenduar do të shpërndahen si zogjtë e korbit. Dhe në fund thjesht do të ngelet emri i tyre, disa prej të cilëve me këshillën e Berishë Basha mund t?i tërheqë prapë. Në finale asnjë rezultat. PD vazhdon të jetë e mpakur, e drejtuar nga Basha,e dirigjuar nga pas prej Berishës.

Kurse kritikët e Lulit do të ngelen spektatorë që do të duartrokasin herë kur doktori sulmon Lulin e herë kur Luli bën bëma dhe gjëma. Elvi Fundo, /Citynews