web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e forta të Ngjelës/ Korrupsioni shqiptar nuk ka shpëtim sa të kemi në krye të vendit Edi Ramën

15 Shtator 2017, 18:53, Aktualitet CNA

Avokat Spartak Ngjela ka thënë se shqiptarët gjithmonë ka vuajtur nga krerët e korruptuar që për të ruajtur pushtetin korruptiv kanë sakrifikuar të ardhmen e vendit. Sipas tij, korrupsioni shqiptar nuk ka shpëtim përderisa do të kemi në krye të vendit Edi Ramën.

Në një postim në rrjetin e tij social, Ngjela u shpreh gjithashtu se Rama dhe Berisha janë bërë bashkë për të kundërshtuar reformën në drejtësi, por që BE-ja dhe politika amerikane në Shqipëri nuk do ta lejojnë një gjë të tillë që të ndodhë.

Postimi i plotë:

A do ta rrisë politika amerikane intesitetin e presionit të vet kundrejt maxhorancës aktuale sot që kuptohet qartë që kryeministri shqiptar ka bashkëpunim bllokues kundër reformës në drejtësi me Sali Bershën?

Sigurisht që po – ajo duhet ta rrisë presionin, se gjithçka është afër fundit. Shqiptarët gjithmonë kanë vuajtur nga krerët e korruptuar që për të ruajtur pushtetin korruptiv, kanë izoluar Shqipërinë në korentet politike lindore apo te fqinjët që i kanë paguar për të bllokuar zhvillimin shqiptar perëndimor.

Tani kanë vënë Ramën përpara që t’i drejtojë.

Po pse lodheni o të mjerë!

Nuk ka shpëtim korrupsioni shqiptar.

Sali ziu mendon se do ta shpetojë Rama të cilit çdo mace që sheh në rrugë i duket si tigër.

Ambasadorja e Bashkimit Europian, Vllautin, bëri ndërhyrjen e parë sot që lajmeroi çeljen e Vetingut.

Shumë mirë bëri.

Nesër e tutje do të dëgjojnë vazhdimisht shqiptarët forcën e vendosmërisë Uashington- Bruksel në kryerjen e reformës në drejtësi.

Po bllokuesit Rama- Berisha?

Këta i gëzohen fantazisë. Pse, këta do të bllokojnë politikën amerikane në Shqipëri, domethenë në epiqëndrën e Ballkanit Perëndimor?

Pamundësi absolute! /CityNews





Lajmet e fundit nga