E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Redaksionale/Sulltanati i Ramës dhe haremi i Lulit

15 Shtator 2017, 16:33, Aktualitet CNA

Në 25 qershor shqiptarët realizuan një palë zgjedhje, ku fitues rezultoi një kryeministër që për 4 vite kishte qeverisur si mos më keq. Duke kopjuar mikun e tij Erdogan të Turqisë, Edi Rama realizoi një fushatë me nota të thella nacionaliste, frymë kombëtare duke lënë mënjanë premtimet apo analizën konkrete të qeverisë në 4 vite.

Përballë tij qëndronte Lulzim Basha, kreu i opozitës i cili për tre muaj u ngujua në çadër, ai kërkonte zgjedhje të lira pa Edi Ramën kryeministër. Në 18 maj erdhi një marrveshje. Rama dhe Basha pas një takimi gjetën zgjidhjen. Luli hyri në fushatë pasi mori gjysmën e qeverisë. Dje në emisionin ?Opinion? në TV Klan, Lulzim Basha tha se hyri në zgjedhje pas kërcënimit të amerikanëve dhe faktit se BE-ja e kishte hedhur poshtë Lulzim Bashën me qëndrimet e saj, duke pranuar dhe njohur zgjedhje edhe pa opozitën.

Sot zgjedhjet kanë përfunduar dhe janë çertifikuar. Në fushatë nuk pati asnjë incident serioz, thjesht disa përplasje të cilat kërkoi t?i ngrinte në skandal një forcë politike si LSI-ja që njihet si çeta personale e presidentit Ilir Meta, të cilin Rama e spostoi në një rol sekondar dhe pa peshë.

Fushata ishte qesharake, Lulzim Basha merrej me LSI-në dhe Ilir Metën për të treguar se në shtator do vinte në pushtet dhe do ndante gjithçka me Edi Ramën. Ky stil fushate dhe këshillat mjerane, apo pazaret për interesa të familjes bënë që Basha të perceptohej si i dobët në opinion publik, mos të merrte mbështetje, të bojkotohej dhe të humbte turpshëm, duke patur rreth 230 mijë vota më pak se ditën kur PD kishte dalë në opozitë.

Nga ana tjetër, Edi Rama siguroi i vetëm mazhorancën, sot ka të paktën 78 mandatë, nga të cilat 74 i ka i vetëm. Një mazhorancë solide me një ligj delikat elektoral. Në fakt numri mund të jetë edhe më i lartë pas votimit të Gramoz Ruçit si Kryetar Kuvendi, PD-së i rrodhën minimalisht 3-5 vota.

Edi Rama i vetëm ka timonin që kërkoi në fushatë, menjëherë ai filloi ndërtimin e ?sulltanatit? të tij, një qeveri me besnikë, pushtet të super kontrolluar, dhe një opozitë të mefshtë dhe qesharake. Mjaftuan dy ose tre seanca parlamentare për të kuptuar se kush ishte opozita e re parlamentare.

Një mazhorancë aq solide Edi Rama as nuk ëndëronte, atij i duhej një ndihmë jo e vogël për t?a siguruar. Dhe ndihma ishte marrëveshja me Lulzim Bashën. Ky i fundit e përdori atë për të larguar zërat kritikë dhe mbështetësit e ish-rivalit të tij Sokol Olldashi, ndërsa Rama e përdori për të siguruar sulltanatin e tij. Por në këtë sulltanat edhe vetë Basha ka haremin e tij të opozitarit. Një grup parlamentar ku ka deputetë qesharakë, përfaqësues të PD-së me mandate të blera, dhe së fundi opinioni publik mësoi se Qeveria i kishte dhënë familjarëve të Lulzim Bashës 11.4 milionë euro. Në fakt gjatë fushatës elektorale u përfol në qarqet mediatike se Luli mund të kishte marrë një shumë prej 20 milionë eurosh.

Këto shuma mund të jenë pjesë akuzash politike, por përballë tyre gjenden dy fakte, sulltanati i Edi Ramës sipas modelit të Erdoganit dhe haremi i Lulit. Rama tashmë është i gjithpushtetshmi me një opozitë mjerane ku kryetari i saj në fakt ka një harem në Sulltanat, e ka të mbushur me qesharakë që i duhen kryeministrit për t?i sjellë humorin në parlament.

Shqiptarët me lojën politike të Ramës, paaftësinë epike të Bashës, tashmë janë pjesë e sulltanatit të Edi dhe haremit të Lulit./Citynews