web counter
LEXO PA REKLAMA!

SHKARKO APP

App Store
Google Play

Video-Kapet “i forti” i Bulqizës/ Kundërshton me forcë policët gjatë arrestimit

15 Shtator 2017, 18:01, Aktualitet CNA

Policia e Bulqizës ka arrestuar një person i cili qarkullonte me armë në zonën e Zerqanit në Bulqizë. Gjithashtu ky person është me precedent kriminal në fushën e kultivimit dhe trafikimit të lëndëve narkotike, si dhe krimeve ndaj personit.

Njëkohësisht i shpallur në kërkim nga D.V.P.Tiranë për ?Vrasje me paramendim mbetur në tentativë? dhe ?Prodhim dhe mbajtje pa leje të armëve luftarake?.

Nisur edhe nga shqetësimet e banorëve të zonës së Zerqanit, Bulqizë, se një shtetas qarkullon me armë dhe është kthyer në shqetësim për banorët, efektivët e Komisariatit të Policisë Bulqizë, në bashkëpunim me strukturat e Drejtorisë Vendore të Policisë Dibër, kanë organizuar dhe finalizuar operacionin policor të koduar “Zerqani”.

Bazuar edhe mbi informacionet se shtetasi B. S., 31 vjeç, banues në Tiranë, po qarkullonte me një automjet “Land Rover”, me targa false, në dalje të qytetit Bulqizë, në zonën e quajtur “Pishat”.

31-vjeçari në momentin që ka parë forcat e policisë, ka tentuar të largohet duke goditur makinën e Policisë, ku ka vënë në rrezik jetën e punonjësve të policisë. Reagimi i punonjësve të policisë, ka bërë që makina tjetër e policisë t’i bllokojë rrugën duke bërë të mundur arrestimin e tij.

Shtetasi B. S., qëndronte i fshehur në një banesë të gjyshes së tij, në Zerqan, dhe në bazë të informacioneve policore, mësohet se kishte aksione në një fabrikë të pasurimit të kromit në Ternovë të njësisë adminsitrative Zerqan, Bulqizë. Shtetasi i lartpërmendur do t’i dorëzohet Drejtorisë Vendore të Policisë Tiranë, për veprime të mëtejshme, ku krahas veprave për të cilat është shpallur në kërkim do të procedohet edhe për kundërshtim me dhunë të forcave të policisë si dhe mbajtja pa leje e armëve dhe municioneve luftarake./CityNews





Lajmet e fundit nga