E fundit!

20:42 Aktualitet

Me thirrjet kundër qeverisë/ Vijon protesta para Kryeministrisë

Vijon prej gati tre orësh protesta në bulevardin “Dëshmorë...

Premtimet elektorale të Ramush Haradinjat/ A do ti mbajë tashmë që është Kryeministër

11 Shtator 2017, 17:41, Aktualitet CNA

Kryeministri i sapo zgjedhur i Kosovës, Ramush Haradinaj ka premtuar shumë gjatë fushatës elektorale zgjedhore.

Premtimet e tij shpesh janë cilësuar si enorme dhe vështirë të realizueshme, mirëpo prej sot ai e ka timonin e Qeverisë dhe mund ta dëshmojë të kundërtën, shkruan AktivPress.

Haradinaj ka premtuar zgjidhje të shpejtë për temat kyçe në Kosovë, si: Demarkacionin me Malin e Zi, liberalizimin e vizave, Ushtrinë e Kosovës, luftimin e krimit e korrupsionit, si dhe për punësimin dhe rritjen e mirëqenies së qytetarëve.

Njëri nga top-premtimet e tij është rritja e pagave në vend për 30 për qind, si dhe rritja e pensioneve për 25 për qind.

?Do t?i rrisim pagat në sektorin publik për 30%. Do të rrisim eksportet pesëfishë dhe do t?i ulim importet. Do t?i ulim importet nga Serbia?, kishte premtuar ai.

Ramush Haradinaj nuk ishte kursyer të bëjë edhe një premtim i cili u vu në mëdyshje dhe u kritikua veçanërisht nga kori diplomatik ndërkombëtar në Kosovë.

Ai ka premtuar se vetëm tre muaj pasi të zgjidhej Kryeministër i Kosovës do t?i heqë vizat me Bashkimin Evropian.

Liberalizimi i vizave ishte dhe mbetet një çështjet më të ndjeshme të qeverisjes në Kosovë. Kjo pasi BE ka vënë dy kritere për udhëheqësit kosovarë që t?ua mundësojnë qytetarëve lëvizjen e lirë në vendet evropiane.

Ratifikimi i Marrëveshjes për demarkacionin me Malin e Zi dhe luftimi i krimit e korrupsionit në Kosovë janë kushtet që i ka vënë BE-ja Kosovës për vizat.

Lidhur me të parën, Haradinaj është zotuar se vija kufitare me Malin e Zi do të vendoset në Çakorr, duke kundërshtuar versionin e Qeverisë së Isa Mustafës.

?Versioni i tanishëm i marrëveshjes është i gabuar. Kufiri Kosovë-Mali i Zi është në Çakorr dhe në Kullë dhe në majat e larta, pra ne do të korrigjojmë këtë?, ka deklaruar ai. Haradinaj. Për kushtin e dytë të BE-së për vizat, ka premtuar se do ta nxjerr vendin nga korrupsioni duke fuqizuar sundimin e rendit dhe ligjit. ?Askush s?do ta mund Kosovën asnjëherë. As korrupsioni. Kosova po na thërret që ta mundim korrupsionin, krimin, terrorizmin?, kishte deklaruar kryeministri i ri i Kosovës.

Haradinaj nuk kishte anashkaluar në zotimet e tij edhe për rastin e minierës së Trepçës që tash e sa kohë ka mbetur peng e krizës politike, shkruan AktivPress.

?Trepça do të kthehet në një gjigant ekonomik! Do të angazhohemi që brenda 90 ditëve t?ua njohim stazhin e punës dhe zgjidhim çështjen e pensioneve për minatorët. Trepça nuk do të lihet në mëshirën e të tjerëve por do ta kthejmë në një gjigant të zhvillimit ekonomik të vendit?, ishte zotuar kandidati i PAN-it.

Edhe pse për t?u bërë kryeministër i kishte të domosdoshme votat e deputetëve të Listës Serbe, Haradinaj gjatë fushatës premtonte se në Kosovë do të vendos vetë Republika e Kosovës.

?Ka ardhë koha që në Kosovë me vendos Kosova! Mbështetja kaq e madhe e kaq e shtrirë anë e mbanë Kosovës, është mbështetje dhe qëndrueshmëri, jo veç për mua, por për të drejtën tonë të përbashkët, që Kosova të jetë shtet i së drejtës dhe shtet i qytetarëve të barabartë, që Kosova të jetë e zhvilluar ekonomikisht, që Kosova ta ketë ushtrinë e saj, që Kosova ta marr në afatin sa më të shpejt liberalizimin e vizave, që Kosova njëherë e përgjithmonë t?i ndal agjendat dashakeqe të Serbisë për Kosovën, që Kosova të përshpejtojë rrugën e saj drejt integrimit euro-atlantik?, kishte thënë ai.

Njëra nga sfidat kryesore për Qeverinë Haradinaj pritet të jetë çështja e energjetikës. ?Kosovën do ta shndërrojmë në fuqi energjetike të rajonit. Me rezervat më të mëdha të thëngjillit në Evropë, Kosovën do ta shndërrojmë në fuqi energjetike të rajonit?, thoshte Haradinaj.

Veteranët e luftës së Ushtrisë Çlirimtare të Kosovës (UÇK) do të përballen me mungesë të mjeteve për pensionet e tyre mujore.

?U zotuam njëjtë, si dikur, se kurdo që e lypë nevoja, gjithmonë do të jemi në shërbim të atdheut. Kjo kategori e shoqërisë sonë meriton respekt dhe tretman më fisnik nga shteti ynë. Këtë do ta bëjmë?, premtoi Haradinaj, i cili premtim i ka bërë edhe medias.

?Ju premtoj (medieve dhe gazetarëve) se do të jem i hapur për bashkëpunim dhe transparent në informimin e drejtë të qytetarëve të Republikës së Kosovës?, ka thënë ndër të tjerash Haradinaj./Aktivpress/