web counter
LEXO PA REKLAMA!

SHKARKO APP

App Store
Google Play

Qeveria Rama2/ Patozi: “Ministrat si gishtat e Ramës, përqëndroi pushtetin”

11 Shtator 2017, 17:29, Aktualitet CNA

Astrit Patozi ka folur sot për qeverinë Rama2 dhe programin e saj që pritet të prezantohet këtë mbasdite në Parlament.

Patozi tha se qeveria është thjesht një përqëndrim pushteti në dorën e një personi.

?Nuk kam patur një vëmendje kaq të madhe për këtë program për të qenë i detyruar të kem një përgjigje  si dikur për ato që ka shpalosur sot Rama.  Por kam një bindje timen që problemet nuk kanë ardhur nga programet e mira apo të këqija, por nga mentaliteti i qeverisë.  Ne duhet ta detyrojmë qeverinë e re që të ndryshojë mentalitetin pas një presioni popullor. Sepse sado i mirë të jetë programi kjo varet nga mënyra e ekzekutimit. Qeveritë kanë rënë përherë për shkak të ekzekutimit të programit. Qeveria Rama nuk është një rrëshqitje në sinoret e së djathtës, sepse e djathta ka shtetin e vogël dhe qeverinë e vogël.  Rama e bëri këtë për ta përqëndruar pushtetin në një dorë. Ajo qeveri nuk është përfaqësuese e PS-së?,- tha Patozi.

Më tej ai foli edhe për ndryshimin tashmë që LSI nuk është më në qeveri:

?Në qeverinë e parë ishte më e vështirë për ta menaxhuar sepse ishte dhe LSI-ja. Rama pasi hoqi ?ferrat nëpër këmbë? tashmë Rama e ka pushtetin në një dorë. Ministrat janë gishtërinjtë e njërës dorë të tij.  Ne nuk jemi as Holanda, as Danimarka që asnjëherë nuk ia lejojnë vetes të ndryshojnë fasadat, divanet e ministrive disa herë. Kjo do të thotë të mos kesh as respektin më minimal për paranë publike.  Mungesë respekti për institucionet në përgjithësi. Ne nuk jemi në vitin 1913 që sapo ka ngritur Ismail Qemali flamurin. Ky kapërcim kaq i madh në kabinet do të thotë një mungesë totale respekti sepse do të hallakatet në bazë të preferencave të një personi.  Nëse do të ndodhte realisht reforma kjo do të ishte e mirëpritur nga publiku, por kjo është vetëm vendimi i një personi?,- tha Patozi.

/Citynews





Lajmet e fundit nga