E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kauza Ruçi e ekzagjeruar/ Lista Basha fajtore për zgjedhjen e tij në krye të Kuvendit

11 Shtator 2017, 17:15, Aktualitet CNA

Zgjedhja e Gramoz Ruçit në krye të Kuvendit është komentuar nga ish-deputeti Astrit Patozi i cili është shprehur ndër të tjera se zgjedhja e tij ndër të tjera është edhe përgjegjësi e listës Basha dhe vetë Bashës.

Patozi e ka cilësuar si të ekzagjeruar kauzën Ruçi të përdorur nga opozita:

?Për mua ishte e ekzagjeruar kauza Ruçi. Për mua nëse do diskutohet sot jo për atë që ka bërë Gramoz Ruçi para vitit 91, por për atë që ka bërë pas vitit 91 e shoh më të favorshëm se Edi Rama. Sipas meje reminishincat e tij politike në krahasim me Ramën kanë qenë më të vogla. Pavarësisht të kaluarës së tij që mbetet për t?u gjykuar, njëra mundësi gjykimi është ana juridike që drejtësia të thotë fjalën e saj për atë që ka ndodhur. E dyta, ne mund ta përjashtonim nga të qenit kryeparlamentar me ligj në mënyrë që ai të mos ishte deputet. E bëmë një herë në vitin 1996 por nuk ia dolëm. Por moralisht u treguam shqiptarëve edhe si parti demokratike. Në një farë mënyre Ruçi është 4 herë i rehabilituar për atë që ka bërë apo s?ka bërë në kohën e regjimit. U rehabilitua në 91, 97, 2011 dhe 2017?,- tha Patozi.

?Dhe përgjegjësia jonë nuk është vetëm kjo. PD ka një përgjegjësi të madhe në emërimin e tij sepse ne me performancën skandaloze në zgjedhjet e fundit e lejuam PS-në ta propozonte atë për Kryetar Parlamenti. Nëse PD nuk do të kishte atë rezultat skandaloz, ata nuk do të mund ta propozonin. Ne duhet të mbajmë përgjegjësi para qytetarëve për atë që ka ndodhur. PS e vendosi Ruçin kryetar sepse kishte votat. PS para 4 vitesh ishte në pushtet bashkë me LSI-në dhe kishte mundësi ta propozonte, por nuk donte. Sepse Ilir Meta nuk donte të ishte Kryetar Kuvendi. Këtë e zgjodhi pasi e propozoi Edi Rama. Unë them që kauza e antikomunizmit duhet të vazhdojë ende në Shqipëri dhe në këtë vend vetëm PD e ka si kauzë serioze. Asnjë forcë tjetër nuk mundet?,- shtoi Patozi.

Gjithashtu ai e ka cilësuar si të turpshëm faktin që disa deputetë të PD-së votuan që ditën e parë majtas.

?Ata janë njerëz të turpshëm. Ata që futen që ditën e parë në Parlament dhe votojnë kundërshtarin turpërojnë atë forcë politike.Kjo është parimore. Unë nëse do të kisha mundësi nuk do të votoja kurrë për një kandidat të PS-së. Fakti që iu hodh hi syve publikut duke thënë se u manipuluan votat, është edhe më e rëndë se vetë zgjedhja e Ruçit?,- vijoi Patozi.

/Citynews