web counter
LEXO PA REKLAMA!

SHKARKO APP

App Store
Google Play

E fundit!

x

Pas Fullanit/ Një tjetër emër i njohur kërkon dëmshpërblim për burgun

11 Shtator 2017, 18:46, Aktualitet CNA

Pas rastit Fullani që arriti t?i marrë shtetit shqiptar 420 milionë lekë dëmshpërblim për arrestimin e padrejtë dhe kohën e kaluar në burg, një tjetër emër i njohur kërkon dëmshpërblim.

Prokurori Petrit Vukaj, i akuzuar që prej vitit 2015 për korrupsion, pas pafajësisë që i dha Gjykata e Apelit për Krimet e Rënda i kërkon drejtësisë ta dëmshpërblejë për çdo ditë të mbajtjes së tij në paraburgim.
Me një kërkesë-padi, prokurori i Fierit i është drejtuar Gjykatës Administrative të Tiranës, duke paditur Prokurorinë e Krimeve të Rënda dhe Ministrinë e Financave kërkon dëmshpërblim financiar sipas top channel.

Vukaj thotë në padinë e tij se, “meqënëse jam deklaruar i pafajshem kërkoj të kompensohet burgimi i padrejtë”, ndërkohë që i kujton Gjykatës Administrative se ka qëndruar në arrest shtëpie 321 ditë, ndërsa 16 ditë të tjera është mbajtur në ambientet e paraburgimit me masën ?arrest me burg?.

Prokurori i Fierit u gjykua nga Krimet e Rënda pas pretendimeve të organit të akuzës, që këmbënguli se ai ishte paguar 300 mijë lekë nga tre të dyshuar për të ulur dënimin ndaj Elton Xhemollarit, i arrestuar për aksident me pasojë vdekjen.

Shkalla e Parë e gjeti atë fajtor dhe e dënoi me 3 vjet shërbim prove, ndërkohë që Apeli shpalli pafajësinë pasi nuk e gjeti të bazuar në prova qëndrimin kundër prokurorit Vukaj.

/Citynews





Lajmet e fundit nga