web counter
LEXO PA REKLAMA!

SHKARKO APP

App Store
Google Play

Angelia Jolie pendohet?/ "Nuk më pëlqen të jetoj e vetmuar"

5 Shtator 2017, 20:50, Aktualitet CNA

Pas ndarjes nga bashkëshorti Brad Pitt në vitin 2016, Angelina Jolie ka zbuluar se ajo nuk është aspak e lumtur me jetesën e saj si një grua beqare.

“Është e vështirë, nuk më pëlqen të jem e vetmuar. Nuk është diçka që kam dashur”, tha Jolie, për The Telegraph. “Nuk ka asgjë të këndshme. Është e vështirë”.

Aktorja e Maleficient, e cila më parë kishte zbuluar se ishte diagnostikuar me paralizën Bell, vazhdoi:

“Ndonjëherë duket se me të vërtetë po ia dal me sukses, por në fakt po përpiqem të përballoj ditët e mia. Emocionalisht ka qenë një vit shumë i vështirë dhe gjithashtu kam patur dhe probleme të tjera shëndetësore, kështu që shëndeti im është diçka që duhet ta monitoroj “.

Por ndonëse Jolie, nuk po e shijon dhe aq jetën e saj si një nënë beqare, ajo po e përdor këtë periudhë të vështirë për të gjetur veten.

“Unë mendoj se tani kam nevojë të rizbuloj pak më shumë nga vetja ime,” tha ajo për The Telegraph. “Unë mendoj se e kam humbur pak rrugën time, pasi shumë gjëra kanë ndodhur së fundi, nga njerëz të caktuar dhe probleme që kanë kaluar në çështje shëndetësore si dhe rritja e fëmijëve. Mendoj se tani është koha e duhur për të menduar, për t?u zhvilluar dhe për t?u rritur.?/CityNews





Lajmet e fundit nga