web counter
LEXO PA REKLAMA!

SHKARKO APP

App Store
Google Play

Danezi turist në 203 vende të botës vizitoi edhe Shqipërinë

5 Shtator 2017, 18:40, Aktualitet CNA

Torbjon C. Petersen është një danez 38 vjecar, i cili ka një hobi shumë të vecantë. Ai ka vendosur të vizitojë të gjitha vendet e botës, plot 203 shtete, duke qëndruar më së paku 24 orë në secilin shtet. Peterseni e ka filluar udhëtimin e tij nëpër botë në Kopenhagen në 10 tetor 2013. Deri tani Pederseni ka vizituar 131 vende të botës përfshirë Shqipërinë.

Udhëtimet e Pedersenit duhet të kryhen me 20 USD në ditë dhe për të vizituar cdo vend ai nuk duhet të udhëtojë asnjëherë me aeroplan. Danezi bredharak mbërrriti në Durrës me traget nga Bari dhe më pas vazhdoi udhëtimin për të vizituar vendet e tjera ballkanike si Republika e Kosovës, Maqedonia, Greqia etj.
Torbjon C. Petersen është njëkohësisht ambasador i vullnetit të mirë i Kryqit të Kuq Ndërkombëtar. Peterseni është ekspert logjistike, kështu që në vendet, që viziton, ai merr pjesë në aktivitete të ndryshme të organizatave lokale të Kryqit të Kuq. Në Shqipëri Pederseni morri pjesë në një simulim të dhënies së ndihmës së parë të organizuar nga aktivistët e Kryqit të Kuq shqiptar në Parkun e Madh të Tiranës./GJERGJ THANASI





Lajmet e fundit nga