U la jashtë Parlamentit/ Majlinda Bregu: “Pagova çmimin e respektit ndaj vetes”

4 Shtator 2017, 08:40, Aktualitet CNA

Pas 10 vitesh si deputete e Parlamentit të Shqipërisë Majlinda Bregu nuk do të jetë më pjesë e legjislaturës së ardhshme pasi u la jashtë listave nga kreu i PD-së Lulzim Basha.

E pranishme sot në mbylljen e shkollës europiane bashkë me një sërë figurash të tjera të majta e të djathta, si dhe përfaqësuesve të BE-së mes të cilëve edhe Romana Vlahutin, Bregu u rikthye në kohë për të komentuar atë që ndodhi.

?U mundova të kuptoja dhe pastaj të flisja se çfarë nuk shkon me stilin që brezi im po bënte politikë. Nuk jemi edukuar për të qenë të lirë dhe për ta respektuar lirinë. Se ç?ndodhi në vijim e dinë të gjithë pagova çmimin e respektit ndaj vetes se thashë disa të vërteta që vazhdojnë të mbeten edhe sot të vërteta. Disa janë mësuar që veten ta kërkojnë ndër të tjerët dhe këta janë e keqja që s?munden dot kollaj, banaliteti dhe e keqja më e madhe sot e Shqiperisë?,-tha Bregu.

Si kryetare e Këshillit Kombëtar të integrimit evropian, ajo tha se bëri çdo përpjekje për afrimin e Shqipërisë me BE-në dhe si deputete e opozitës.

?Ndërkohë që parlamenti po mbyll sesionin e ri unë po mbyll marrëdhëniet parlamentare me të. Nga marsi i vitit 2007 deri në shtator 2013 m?u besua detyra e lartë për nxitjen dhe koordinimin e përpjekjeve për afrimin e Shqipërisë dhe Europës. Investova në të çdo ditë të kalendarit. Nuk dështova, gjithçka u bë sigurisht edhe falë të tjerëve që iu detyroj mirënjohjen time të sinqertë. Nuk u ndjeva asnjëherë vetëm, dola nga kjo eksperiencë më e ditur, më e matur.
Në opozitë pavarësisht mungesës së forcës së pushtetit por me qartësinë e madhe?,- vijoi ajo.

Më tej Majlinda Bregu ka folur edhe për hipotezat që e lidhnin me një post ministror në qeverinë Rama 2.
?Për një përfolje publike për përfshirjen time në qeverinë e sotme, jam lodhur duke përgenjeshtruar lajme dhe sajesa gjatë këtyre viteve. Mua s?më duhet të jem në parlament e qeveri për të qenë shqiptare, të përpiqem po njëlloj për të afruar datën e anëtarësimit të Shqipërisë në Evropë mbase 1 mijë herë më shumë se dhe minsitrat aktualë?,-deklaroi Bregu.

/Citynews