web counter
LEXO PA REKLAMA!

SHKARKO APP

App Store
Google Play

E fundit!

x

Skenari i PD-së/ Bllokohet Parlamenti në seancën e parë

4 Shtator 2017, 07:17, Aktualitet CNA

Që në nisje të sesionit të ri parlamentar opozita ka vendosur të nisë luftë frontale me qeverinë e re.  Tashmë Forumi Rinor i Partisë Demokratike dhe ish-të përndjekurit kanë nisur përgatitjet për të organizuar një protestë me datën 9 shtator ku do të synohet të pengojnë zgjedhjen e Gramoz Ruçit në krye të Parlamentit dhe atë të Fatmir Xhafës, në krye të dikasterit të ministrisë së Brendshme. Opozita së bashku me ish të përndjekurit, dy deputetët e rëndësishëm të PS-së që do të jenë në poste kyçe drejtuese i cilëson si përfaqësues dhe pasardhës të regjimit komunist. Burime brenda ?selisë blu? bëjnë të ditur se sot kreu demokrat do të mbledhë grupin parlamentar të PD-së për të caktuar detyrat për ligjvënësit gjatë sesionit të ri.

Për Gramoz Ruçin, deputetët e PD-së, kanë nxjerrë nga arkivat fakte që lidhen me veprimtarinë e tij si zyrtar gjatë regjimit komunist si dhe masakrën e Shkodrës, ku si drejtues i ministrisë së Brendshme akuzohet se ka dhënë urdhër për vrasjen e katër të rinj, mes të cilëve Arben Broci në protestën e 2 prillit në vitin ?91. Krahas aksionit opozitarë, kjo javë do të jetë intensive për kryetarin e opozitës Lulzim Basha, pasi do t?i duhet të zgjedh emrat që do e përfaqësojnë në organet e Kuvendit, por edhe për funksionarët e grupit parlamentar. Basha ende nuk ka vendosur për kryetarin e ri te grupit parlamentarë, por as për kryetarët apo nënkryetarët e komisioneve parlamentare të cilët në bazë të rregullores i përkasin Partisë Demokratike, shkruan Shekulli.

Skenari

Për të ndalur emërimi i tyre në postet e rëndësishme të shtetit, Partia Demokratike po përgatit të protestojë para Kuvendit, të shtunën e 9 shtatorit ku deputetët do të votojnë për qeverinë e re. Skenarët se si do të organizohet janë diskutuar, por vendimi pritet të merret në fillim të javës kur do të mblidhet dhe grupi parlamentar. Ajo që dihet deri më tani është se demokratët do të synojë të bllokojnë seancën parlamentare si jashtë parlamentit ashtu dhe brenda tij për të pamundësuar votimin e Gramoz Ruçit në krye të Kuvendit dhe të Fatmir Xhafajt, si ministër i Brendshëm. Ndërkohë që në ambientet e jashtme të Kuvendit, ish të përndjekurit dhe drejtuesit e Forumit Rinor të PD-së do të bëjnë thirrje, deputetët e PD-së do të synojnë të pengojnë votimin e kryetarit të Kuvendit.

Ditën që Rama shpalli qeverinë e re, kryetari i Partisë Demokratike Lulzim Basha, reagoi duke theksuar se ?Rama riktheu në pushtet elitën komuniste. Shqipëria sot drejtohet nga disa nga figurat famëkeqe komuniste ose pinjollët e tyre duke përmendur, Edi Ramën, Gramoz Ruçi, Fatmir Xhafën, Ditmir Bushatin dhe Sonila Qaton?. Seanca e parë parlamentare për konstituimin e qeverisë së re nuk do të jetë e qetë, pasi deputetët demokrat do të kërkojnë më ngulm që të mbajnë fjalime të cilat do të shënjestrojnë me akuza kryesisht Gramoz Ruçin dhe Fatmir Xhafën. Për Fatmir Xhafën, riemërimi në krye të ministrisë së Brendshme ka rihapur debatin kur ai u emërua në vend të Saimir Tahirit. Gjatë asaj kohe PD shkoi deri atje sa deklaroi se për të hyrë në ministrinë e Brendshme, Xhafaj do të kalonte mbi trupat e tyre!! Në fund, Presidenti Bujar Nishani e dekretoi me procedurë normale Xhafajn. Gjatë asaj kohe në media qarkullonte një foto e Xhafajt gjatë viteve të rinisë kur ka dalë në krah të diktatorit Enver Hoxha. Kjo foto, sipas PD, është e mjaftueshme për lidhjet e ministrit të Brendshëm me komunizmin.

Rregullorja

Më 9 shtator fillon sesioni i ri parlamentar. Pas 20 vitesh, Partia Socialiste do të qeverisë e vetme, ku në zgjedhjet e 25 qershorit siguroi 74 mandate. Sipas Rregullores së Kuvendit mbledhja e parë e parë e legjislaturës së Kuvendit, deri në zgjedhjen e Kryetarit të Kuvendit, hapet dhe drejtohet nga deputeti më i vjetër në moshë. Referuar të dhënave statistikore të deputetëve aktualë, deputeti më i vjetër është Sali Berisha (73), ndjekur nga Tritan Shehu (68) dhe Gramoz Ruçi (66). Sipas rregullores, në rast mospranimi ose mungese, mbledhja drejtohet nga deputeti që është pas tij më i vjetër në moshë. Kuvendi do të ketë edhe sekretarinë e tij, kryesisht të përbërë nga tre deputetët më të rinj (aktualisht janë Lala, Kërpaçi, Mehmetaj), por që mund me rregullin e përfaqësimit politik mund të përfshihet në vend të dy emrave edhe Ulqinaku (PD) apo Xhindi (PS).

/Citynews





Lajmet e fundit nga