Kastriot Myftaraj: Provokim xhihadist ndaj meje

4 Shtator 2017, 06:53, Aktualitet CNA

Kastriot Myftaraj ka bërë një postim në rrjetet sociale ku ka thënë se portali Tetova 1 ka bërë një provokim xhihadist ndaj tij duke publikuar një lajm të rremë.

Myftaraj ka thënë gjithashtu se do t?i drejtohet ambasadës së Maqedonisë në Tiranë, për të marrë masa ndaj potalit dhe personit që ka në pronësi portalin.

Statusi i plotë:

Provokim xhihadist i portalit Tetova 1 ndaj meje

Portali Tetova 1 në pronësi të Rrahim Husejnit ka shpërndarë sot lajmin e rremë sikur unë kam thënë që Prishtina të goditet me bomba atomike. Unë nuk e kam shkruar këtë gjë dhe siç e dinë të gjithë unë nuk jam ai lloj burri që mohon atë që ka shkruar. Vetë Rrahim Husejni në një komunikim me mua e pranoi autorësinë e mashtrimit dhe e shtoi provokimin duke më thënë ?Të presim në Tetovë për pasojat?. Nëse je trim, më thotë xhihadisti hajde këtu të presim!

A thua se njerëzit si unë merren personalisht me njerëzit si ai! Ndaj këtij portal xhihadist dhe ndaj pronarit të tij xhihadistit Rrahim Husejni unë do të reagoj duke iu drejtuar Ambasadës së Maqedonisë në Tiranë dhe duke kërkuar kontakt me zyrat antiterror të Policisë së këtij vendi për t? i vënë në lëvizje që të marrin masa ndaj kësaj fabrike të lajmeve të rreme xhihadiste që është portal Tetova 1. Shteti maqedon ka detyrim të marrë masa ndaj këtyre njerëzve.

Ky Rrahim Husejni është autori i përshtatjes si këngë xhihadiste të një kënge popullore të kënduar nga Tuna, me titull ?Skutaçja?. (?Skutaçe? veshje popullore femrash e Pollogut), që është kënduar në një syneti në Tetovë.

Kënga thotë:

Dada do ta shesë skutaçen me vija,

Mos rri në gurbet mor djalë, ktheu te shpia.

Dada do ta shesë, skutaçen me topa,

Mos rri në gurbet mor djalë, kthehu te motra.

Skutaçja e Dadës, hajde topa-topa.

Djali në gurbet u bë copa-copa-o.

Rrahim Husejni e ka përshtatur kështu si këngë xhihadi:

Dada do ta shesë skutaçen me vija,

Shko në xhihad mor djalë, mos rri te shpia.

Dada do ta shesë, skutaçen me topa,

Islamike djal? do bëhet Europa.