web counter
LEXO PA REKLAMA!

SHKARKO APP

App Store
Google Play

Zbulohen emrat e gjyqtarëve/ Dënuan minimalisht Fadil Kasemin, vrasësin e gjyqtares Hafizi

31 Gusht 2017, 15:59, Aktualitet CNA

Pak orë nga ngjarja e rëndë që tronditi opinionin shqiptar, vrasja e gjyqtares Fildes Hafizi, është siguruar edhe vendimi i gjykatës në prill të vitit të kaluar, që dënonte minimalisht autorin e vrasjes ditën e sotme në zonën e Xhamllikut në Tiranë.

Në bazë të vendimit të siguruar, gjyqtarët e çështjes që kishte të bënte me dhunën në familje të ushtruar nga Kasemi, janë Luan Lusha(kryesues), Markelian Koço(gjyqtar) dhe Eda Kaja(gjyqtare).

Vendimi përfundimtar i gjykatës e dënonte Kasemin për veprat penale të ?Mbajtjes së armëve luftarake? me 3 vjet burgim si dhe për ?Dhunë në Familje? me 1 vit e gjysmë burgim.

Në total Fadil Kasemi dënohej në prill të vitit të kaluar me 4 vjet e gjysmë burg.

Për shkak të gjykimit të shkurtuar dënimi i tij ulej në 3 vjet burg.

Vendimi është marrë në 28 prill të vitit 2016-të.

Nuk dihet ende se si Kasemi ka mundur të dalë nga burgu për një kohë kaq të shkurtër me vetëm 1 vit nga ky vendim i gjykatës, ndërkohë që duhej të kryente edhe të paktën 2 vjet të tjera. /Citynews





Lajmet e fundit nga