web counter
LEXO PA REKLAMA!

SHKARKO APP

App Store
Google Play

Revoltohet Kryemadhi/ Ngre zërin tim fuqishëm kundër këtij sistemi që dhunon gratë!

31 Gusht 2017, 14:31, Aktualitet CNA

 

Kryetarja e LSI, Monika Kryemadhi është shprehur tepër e revoltuar, pas krimit të ndodhur pak orë më parë në zonën e ?Xhamllikut?.

Në rrjetet sociale, Kryemadhi shkruan se të gjithë ne mbajmë përgjegjësi për këtë situatë, por më shumë fajtorë janë ata që e lanë që puna të shkonte deri në këtë pikë.

?Vrasja e paralajmëruar e një nëne, gruaje për më tepër gjyqtare është akti më i rëndë dhe katastrofik që mund t?i ndodhë një vendi që pretendon të jetë anëtar i BE. Me revoltën e një nëne, me forcën e një gruaje që ka përballuar shumë vështirësi në jetë dhe me kurajon e përfaqësimit të një force politike si LSI, sot ngre zërin tim fuqishëm kundër këtij sistemi që ende dhunon gratë e pafajshme. Të gjithë ne mbajmë përgjegjësitë tona për këtë situatë të rëndë, por më shumë duhet të ndihen përgjegjës ata që e lanë nënën e dy fëmijëve në dorën e një vrasësi që disa herë e kishte paralajmëruar aktin e tij të burracakërisë. Policia, gjykata, shoqatat për mbrojtjen e të drejtave të grave, politika dhe e gjithë shoqëria shqiptare duhet të reagojë me forcë dhe efikasitet. Qarravitjet në rrjetet sociale apo emisione televizive nuk mund ta zgjidhin kurrë këtë situatë të rënduar të krimit në familje. Duhet që çdo gjë të nisë nga vetë ne?, shkruan Kryemadhi./CityNews





Lajmet e fundit nga