E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Protesta për licencat/ Vjen reagimi urgjent nga MTI: Kemi vendosur të pezullojmë...

31 Gusht 2017, 12:03, Aktualitet CNA

Pas protestës së zhvilluar paraditen e sotme nga Shoqata e Transportit Ndërqytetas kundër dhënies së licencave paralele, ka ardhur edhe reagimi i Ministrisë së Transportit dhe Infrastrukturës.

Sipas tyre, këto pretendime janë të pabazuara në ligj dhe shtohet se gjatë procesit është marrë edhe mendimi i shoqatës që organizoi protestën.

Më tej, në njoftimin për shtyp, shkruhet se MTI, për t?i dhënë fund këtyre spekulimeve, ka vendosur që të pezullojë procesin e licensimit për linjat ndërqytetase, deri në marrjen e detyrës nga titullari i ri.

Paraditen e sotme, kreu i shoqatës, Kujtim Mema akuzoi ministrin në detyrë, Sokol Dervishaj se ka dhënë 82 licenca në javët e fundit kundrejt pazareve, ku më problematike sipas tij është linja Tiranë- Elbasan.

Njoftimi i plotë:

Ministria e Transportit dhe Infrastrukturës, pasi u njoh me pretendimet e pabaza të përfaqësuesve të njërës prej shoqata të transportit, që operon në linjat ndërqytetase, hedh poshtë këto pretendime në mënyrë kategorike si jo të mbështetura në ligj dhe spekulative.

MTI, thekson se procesi i hartimit të rrjetit të transportit ndërqytetas, është bërë në bashkëpunim mes MTI-së, shoqatave të transportit ndërqytetas dhe pushtetit vendor, për të plotësuar nevojat e banorëve për mbulim të plotë të territorit.

Gjatë procesit është marrë mendimi edhe i shoqatës që organizoi protestën, e cila ka shfaqur vlerësimin për nismën dhe bashkëpunimin me Ministrinë.

Ministria e Transportit dhe Infrastrukturës, u bën apel të gjithë operatorëve të transportit ndërqytetas, që të operojnë në përputhje me kushtet e liçensave dhe të mos abuzojnë. Sepse janë pikërisht këto abuzime të operatorëve në raste të caktuara, që krijojnë këto pretendime të paqena.

Ndërkohë MTI, sqaron se përfaqësuesi i shoqatës që ngre pretendimin është në një proces gjyqsor me një palë tjetër, të cilës gjykata i ka dhënë të drejtë për liçensimin e operimit të njërës prej linjave, dhe për këtë shkak përpiqet të dizinformojë opinionin publik dhe akuzojë pa baza dhe argumenta ligjore.

Ministri i Transportit dhe Infrastrukturës Sokol Dervishaj, për ti dhënë fund gjithë këtyre spekulimeve, ka vendosur të pezullojë procesin e liçensimit për linjat ndërqytetase, deri në marrjen e detyrës nga titullari i ri.

Ministria e Transportit dhe Infrastrukturës i kërkon ndjesë operatorëve që kanë aplikuar dhe janë në pritje të liçensimit, por e ndërmerr këtë hap për ti prerë rrugën çdo keqinterpretimi dhe spekulimi.