web counter
LEXO PA REKLAMA!

SHKARKO APP

App Store
Google Play

“Thellësisht i tronditur nga vrasja kriminale”/ Basha shpreh zemërimin për fundin tragjik të gjyqtares

31 Gusht 2017, 15:48, Aktualitet CNA

Kryetari i Partisë Demokratike, Lulzim Basha ka shprehur hidhërimin e tij për ekzekutimin nga ish-bashkëshorti të gjyqtares Fildes Hafizi.

Në rrjetet sociale, Basha shkruan se i tronditur dhe se kjo është një tragjedi që nuk duhet të kishte ndodhur.

Gjithashtu kreu i PD shton se faji për këtë krim të ndodhur është i të gjithëve ne dhe i shtetit që e braktisëm Fildezen në fatin e saj tragjik.

?Jam thellësisht i tronditur nga vrasja e ftohtë kriminale e një gruaje, një nëne, një gjyqtareje. Shteti dhe të gjithë ne e braktisëm Fildezen në fatin e saj tragjik. Ajo u lut e tmerruar për ndihmë dhe shpresoi, por u shpërfill nga një shtet dhe shoqëri e cila ka humbur forcën për të reaguar ndaj krimit dhe të keqes.

Jeta e humbur e Fildeze Hafizit është një tragjedi që nuk duhej të kishte ndodhur, por edhe një shuplakë zgjimi për të gjithë, për të reaguar kundër krimit. Në një shtet që amniston kriminelët dhe nuk mbron as njerëzit e drejtësisë, jeta e çdokujt është e pambrojtur. Ne duhet të gjejmë forcën që të paktën fëmijet e Fildezes dhe të gjithë shqiptarëve të kenë një jetë më të sigurt?, shkruan Basha./CityNews





Lajmet e fundit nga