web counter
LEXO PA REKLAMA!

SHKARKO APP

E fundit!

x

Sarandë/ Ndiqet penalisht një fermer që mbarështonte pula, dyshohet se i tregtonte

31 Gusht 2017, 16:21, Aktualitet CNA

Një aksion ?i fortë? i policisë së Sarandës ka bërë të mundur konstatimin dhe vendosjen para përgjegjësisë ligjore të një fermeri që sipas policisë shkelte ligjin.

Sipas asaj që ka bërë me dije policia e këtij qyteti bregdetar, një banor i Kallaratit është ndjekur penalisht pasi rriste zogj pulash me qëllim shitjen e tyre pa u regjistruar si subjekt.

Seksioni për krimin ekonomik e financiar në Komisariatin e Policisë Sarandë ka referuar materialet në Prokurorinë e Rrethit Gjyqësor Vlorë, për një 56-vjeçar banues në fshatin Kallarat.

Kjo pasi nga kontrolli i ushtruar ne magazinën e tij u konstatuan 230 zogj pule të moshës 1-3 muaj.

Policia dyshon se zogjtë i mbarështonte me qëllim tregtimin e tyre, pa u regjistruar në organet tatimore dhe i pa pajisur me licencë për prodhimin dhe tregtimin të produkteve të mishit.

Fshatari 56-vjeçar do të përballet me Nenet 180 e 288/a të  Kodit Penal?,- bën me dije policia në njoftimin e saj. /Citynews





Lajmet e fundit nga