web counter
LEXO PA REKLAMA!

SHKARKO APP

App Store
Google Play

Kapet trafikanti korçar i shpallur në kërkim/Tentoi të kalonte drogë në Greqi (Emri)

30 Gusht 2017, 14:33, Aktualitet CNA

Policia e Korçës vijon punën për kapjen dhe ndalimin e shtetasve të shpallur në kërkim. Në kuadër të këtij aksioni është kapur dhe ndaluar një tjetër bashkëpunëtor i dyshuar i ngjarjes së ndodhur në prill të këtij viti, në fshatin Vidohovë-Devoll, ku u tentua të trafikohej nëpërmjet kufirit të gjelbër, një sasi prej 48 KG lëndë e dyshuar si narkotike Cannabis Sativa.

Uniformat blu bëjnë me dije se ka rënë në pranga shtetasi Ardian Hoxha, 45 vjeç, banues në fshatin Miras-Devoll.

Pasi Gjykata e Shkallës së Parë për Krimet e Rënda në Tiranë, ka caktuar për këtë shtetas masën e sigurisë ?Arrest në burg?, për veprën penale: ?Trafikimi i narkotikëve, kryer në bashkëpunim, ngelur në tentativë? parashikuar nga nenet 283/a/2 e 22 të Kodit Penal.

Ndalimi i këtij shtetasi lidhet me ngjarjen e ndodhur më datë 24.04.2017, në fshatin Vidohovë të rrethit Devoll, në afërsi të Piramidës nr 54, ku shtetasi i lartpërmendur në bashkëpunim me tre persona të tjerë (dy prej të cilëve u arrestuan në flagrancë dhe një tjetër u shpall në kërkim), dyshohet se kishin synim të transportonin nëpërmjet kufirit të gjelbër drejt Greqisë, me qëllim trafikimi, një sasi prej rreth 48 KG lëndë e dyshuar si narkotike Cannabis Sativa, të vendosura në 2 çanta sportive dhe 1 thes plasmasi, të cilat u sekuestruan në cilësinë e provës materiale./CityNews





Lajmet e fundit nga