E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Sherefedin Shehu zbulon dy gjërat e reja të qeverisë "Rama 2"/Çfarë më shqetëson

30 Gusht 2017, 14:20, Aktualitet CNA

Ish-deputeti i Partisë Demokratike, Sherefedin Shehu, ka reaguar për qeverinë e re të prezantuar pak ditë më parë nga kryeministri Edi Rama.

Shehu shkruan se sa herë që Ramës nuk do t?i ecin punët, do të shkarkojë një ministër. Më tej, ai shton është e vështirë që Rama të mos jetë më si më parë, sepse në moshën e tij veset që ja kemi parë për 17 vite vetëm mund të thellohen.

Ndër të tjera, ish-deputeti i përjashtuar nga Lulzim Basha shprehet se e shqetëson fakti se sapo shpalli qeverinë, Rama tregoi se nuk di çfarë të bëjë me të.

Reagimi i plotë:

Sa herë që Ramës nuk do t?i ecin punet do të shkarkojë një ministër
Ndonëse u prezantua me pompozitet dhe me ndryshime të thella, të gjithë e dimë se në Qeverinë e Ramës nuk do të ketë asgjë të re. Kushdo që të jetë ministër është njëlloj, sepse do të bëjë atë që i thotë dhe që do Rama. Dikush mund të mendojë se Rama nuk do të jetë më ai i pari, mbasi po përpiqet të na bindë se është mbushur me mend dhe ?nuk do të bëjë më siç ka bërë?. Por këtë e besojnë vetëm ata që duan, sepse në moshën e tij veset që ja kemi parë për 17 vite vetëm mund thellohen.
Ajo që më shqetëson mua është se sapo e shpalli Qeverinë, Rama tregoi se nuk di çfarë të bëjë me të. U mbyll në Llogara dhe njerëzit prisnin ?tymin e bardhë?. Dhe pas dy ditësh e vetmja e re ishte emërimi i PD-së si opozita e vetme e vendit dhe njoftimi se ?do të kemi administratë të vogël, por jo shumë të vogël?. Kjo pritej sepse ndryshimet nuk i bëri mbi ndonjë studim apo për të zbatuar filozofinë e një qeverisje të vogël, por vetëm për mendësi dhe interesa politike. Ai gjeti një qeveri të vogël në 2013 dhe e rriti për interesat e tij dhe inatin e Berishës, ndërsa tani po bën sikur e zvogëlon për interesin e tij dhe për inatin Metës.
Dy gjëra të reja të kësaj Qeverie do të jenë:
E para, në të nuk do të ketë emra të ministrive që deri tani i milte LSI-ja dhe ?fara? e LSI-së do të zhduket nga administrata ?për arsye ristrukturimi?.
E dyta, Ministrat të mbajnë mandatin e deputetit, meqenëse nuk do ketë fajtorë të jashtëm për dështimet dhe sa herë që Ramës nuk do ti ecë puna do të shkarkojë nga një Ministër./CityNews