Tekste falas për çdo fëmijë në arsimin e detyrueshëm publik parauniversitar në Shqipëri

30 Gusht 2017, 11:37, Aktualitet CNA

Koalicioni për Arsimin në Shqipëri (ACE), po vëzhgon me shqetësim situatën e ditëve të fundit ku fëmijët dhe prindërit e tyre detyrohen të qëndrojnë me orë të tëra në radhë për të blerë librat shkollorë. Edhe pse ACE prej vitesh ka kërkuar dhe ngritur zërin për pajisjen e të gjithë fëmijëve të arsimit publik parauniversitar me tekste falas ende kjo nuk është bërë e mundur nga asnjë Qeveri.

Koalicioni për Arsimin në Shqipëri me anë të kësaj thirrje publike, i kërkon Qeverisë dhe në mënyrë të veçantë Ministrisë së Arsimit, të marrin masa të menjëherëshme për të siguruar falas për të gjithë fëmijët e arsimit publik parauniversitar tekstet shkollore. Ne mendojmë se një ndër aktet e para publike të Qeverisë së re të Shqipërisë duhet të jetë dhënia e teksteve dhe mjeteve mësimore falas për të gjithë fëmijët anembanë vendit pa dallim, në mënyrë që ata të gëzojnë të drejtën e tyre për arsim publik falas.

Blerja e librave nga nxënësit e arsimit parauniversitar bie ndesh me ligjin Nr. 69/2012 Për Sistemin Arsimor Parauniversitar në Republikën e Shqipërisë, i cili në Nenin 5, pika 2 përcakton se ?Në shkollat publike arsimi i detyrueshëm dhe arsimi i mesëm i lartë janë falas?. E drejta p?r arsim falas nënkupton edhe krijimin e kushteve t? nevojshme dhe t? domosdoshme p?r t?u arsimuar. Nj? nga k?to kushte ?sht? edhe pajisja falas me libra, fletore dhe mjete m?simore e ?do f?mije që ndjek arsimin publik. Mospërmbushja e këtij detyrimi është një shkelje e të drejtave të fëmijëve dhe n? kund?rshtim t? hapur me Nenin 28 t? Konvent?s s? OKB-s? p?r t? Drejtat e F?mij?s.

Edhe pse VKM Nr. 707, datë 26.8.2015, përcakton disa kategori nxënësish në nevojë, të cilët përfitojnë tekstet shkollore falas, përsëri kjo është e pamjaftueshme, pasi ne besojmë se të gjithë nxënësit që ndjekin arsimin publik paruniversitar, pa dallim, duhet të pajisen me libra shkollorë falas nga shkollat përkatëse. Kjo politikë do të rriste numrin e fëmijëve që ndjekin shkollën, duke pasur një ndikim të drejtëpërdrejtë në ndjekjen e arsimit nga fëmijët dhe ushtrimin e të drejtës së tyre universale për arsim.

ACE nxit Qeverinë e re dhe Ministrinë e Arsimit, që këtë kërkesë ta bëjnë një realitet për të gjithë ata fëmijë që do të ndjekin arsimin publik parauniversitar gjatë periudhës 2017-2018 dhe që presin që shteti i tyre të kujdeset për ta./CityNews

Për më tepër informacion kontaktoni:
Znj. Linda Pino, Koordinatore e Koalicionit për Arsimin në Shqipëri, e-mail [email protected], tel +355 67 60 75 40