web counter
LEXO PA REKLAMA!

SHKARKO APP

App Store
Google Play

E fundit!

x

A ka skenar bllokimi?/SPAK, njësia që po tmerron të korruptuarit VIP

30 Gusht 2017, 08:30, Aktualitet CNA

Politikanë, gjyqtarë dhe prokurorë, por edhe elementë e subjekte të përfshira në korupsion e veprimtari të tjera antiligjore i tremben njësisë së re si djalli nga temjani ndaj dhe po bëjnë çështë e mundur për ti venë gur në rrota ngritjes dhe funksionimit të tij.

SPAK është institucioni kryesor i Reformës në Drejtësi, një e ngjashme me FBI-në amerikane që do të sjellë pastrimin e skenës shqiptare nga të inkriminuarit e të gjitha niveleve dhe do t?i hapë vendit rrugën e integrimit evropian.

Në qendër të veprimtarisë së tij, fillimisht, do të jetë goditja e korrupsionit dhe e krimit në sferat e larta të politikës, qeverisjes dhe sitemit të drejtësisë një triadë kjo, përfaqësuesit e të cilës, sikurse njoftn gazeta ?Sot?, po bëjnë çështë e mundur që ta zvarrisin, mundësisht edhe ta bllokjnë funksionimin e njesisë SPAK.

?Shenjat për ngritjen e këtij organi ende nuk janë dhënë. Më 31 gusht, sipas ligjit, SPAK duhej të ishte ngritur. Në ligjin për organet e luftës ndaj korrupsionit theksohet se në ditën e 300 të hyrjes së ligjit në fuqi, të gjitha dosjet e Prokurorisë dhe Gjykatës së Krimeve të Rënda kalojnë tek SPAK. Mirëpo nesër plotësohet ky afat dhe SPAK ende nuk është ngritur?, citon ?Sot? duke lenë pezull përgjigjen e pyetjes: pse? Dhe më tej: Në prapavijë duket se po punohet fort që ky organ të shtyhet sa më gjatë të jetë e mundur, në mënyrë që t?u jepet kohë të gjithëve të zhdukin çdo lloj gjurme abuzimi. Nëse shohim me kujdes veprimet e fundit në gjyqësor dhe politikë, duket se ka një skenar të mirëmenduar. Ligjet e reformës janë të lidhura me njëra-tjetrën dhe nëse bllokohet njëri, nuk zbatohen dot të tjerët.

Ngritja e SPAK nuk mund të bëhet dot pa u ngritur Këshilli i Lartë Gjyqësor dhe Këshilli i Lartë i Prokurorisë. Këto janë dy organe që do përzgjedhin anëtarët e tyre. Po sipas ligjit, SPAK ngrihet dy muaj pasi të jetë ngritur KLGJ me KLP. Momentalisht, këto dy organe janë në ngërç total.

Së pari, Kuvendi nuk po gjen dot anëtarë nga radhët e pedagogëve. Por ajo që është më e rëndësishmja, është se dymbëdhjetë anëtarë nga prokurorët dhe gjyqtarët nuk po zgjidhen ende. Sipas ligjit, gjyqtarët kanë në KLGJ gjashtë anëtarë dhe këta zgjidhen nga Mbledhja e Gjyqtarëve. Deri më tani, kjo mbledhje nuk është bërë dhe sipas informacioneve, nuk ka asnjë plan edhe për disa ditë. Nga ana tjetër, prokurorët do kenë gjashtë anëtarë në KLP dhe ata duhet t?i zgjedhë Këshilli i Prokurorisë, por dhe ata nuk po i zgjedhin. Pra duket se ka një skemë të qartë zvarritje. Kjo do të thotë se sa më shumë zvarritet KLGJ me KLP, aq më shumë shtyhet ngritja e SPAK. Por duket se në këtë mes ka rol dhe politika, pasi ajo është më e rrezikuar, shkruan ?Sot?, sipas të cilës: në ligj ka një përcaktim që thotë se në rast se nuk bëhen këto dy mbledhje, është Kuvendi që i kërkon kreut të Gjykatës së Lartë dhe Prokurorit të Përgjithshëm të thërrasin Mbledhjen e Gjyqtarëve dhe Këshillin e Prokurorisë./CityNews





Lajmet e fundit nga