web counter
LEXO PA REKLAMA!

SHKARKO APP

App Store
Google Play

E fundit!

x

Francë/Alarm maksimal për azilkërkuesit dhe klandestinët shqiptarë

28 Gusht 2017, 19:01, Aktualitet CNA

Pas Gjermanisë, Anglisë, Holandës, Spanjës edhe Franca jep alarmin për ?rrezikun? shqiptar. Në mediat franceze ka gjithnjë e më tepër artikuj, që trajtojnë problemet e azilkërkuesve, klandestinëve dhe bandave të strukturuara kriminale shqiptare. Këto artikuj mbështeten në burime zyrtare franceze si deklarime të ministrit të brendshëm Collomb, të atij të jashtëm, të Ambasadës Franceze në Tiranë apo të Xhandarmërisë Kombëtare. Madje në nivel ministri dhe kryeminstri është ndërhyrë pranë agjensisë franceze OFPRA (Zyra Franceze për Mbrojtjen e Refugjatëve dhe të Personave pa Atdhe) për të bllokuar pranimin e kërkesavëe të shqiptarëve për azil duke theksuar se Shqipëria prej vitesh konsiderohet si vend i sigurtë, pra shtetasit e saj nuk mund të kërkojnë azil për arsye perskutimi politik, fetar, etnik etj.

Shifra të frikshme azilkërkuesish dhe klandestinësh shqiptarë

Në periudhën Janar-nëntor 2016 në Francë kërkuan azil 5769 shqiptarë, pra një numër më i madh azilkërkuesish edhe sesa sirianët, që vinë nga një vend prej vitesh në luftë civile. Numri i azilkërkuesve shqiptarë shtë më i madh se numri i gjithë azilkëkrkuesve nga Afganistani, Sudani, përfshirë edhe 1 000 azilkërkues haitianë, që kanë kërkuar azil në Guajanën Franceze. Cuditërisht nga Shqipëria vend anëtar i NATO-se dhe aspirant për në BE ka më shumë azilkërkues sesa nga vendet e përfshira në luftra civile apo sesa nga Haiti i raskapitur nga dikatatura e Dianstisë Dyvalje, i goditur nga një tërmet katastrofal dhe nga një epideni kolere. Normalisht francezëve u lind pyetja po Shqipërinë cfarë lloj epidemie kolere e kishte goditur në vitn 2016?! Ministri i brendshëm Collomb deklaron se në ditët e sotme (gusht 2017) 75% e azilkërkuesve në Francë janë shqiptarë! Shifër e frikshme!

Autoritetet franceze përpiqen të përballojnë ?rrezikun? shqiptar

Francezët po përpiqen të aplikojnë skemën gjermane me azilkërkuesit shqiptarë. Gjermanët arritën, duke u paguar shpërblim azilkërkuesve shqiptarë, që të riatdhesonin (me shpenzime të mëdha) brenda pak muajsh 15 000 nga 50 000 azilkërkuesit shqiptarë.

Ministri i brendshëm francez në shtator do vizitojë Tiranën vetëm e vetëm për problemin e azilkërkuesve dhe klandestinëve shqiptarë njëlloj si do bëjë Kryebashkiaku i Rotterdamit Ahmet Aboutaleb, apo sic bëri ca muaj më parë kryebashkiaku i Veronës Tosi. Francezët shpresojnë, që vizita e Collomb-it në Tiranë së paku ta ulë fluksin mujor të azilkërkuesve dhe klandestinve shqiptarë, që synojnë Francën.

Ambasada Franceze në Tiranë, ndryshe nga ajo holandeze, që finacnon OJF, që merren me abortin selektiv të fetuseve të seksit femër, me kohë ka dhënë alarmin. Vetë ish ambasadori Fitoussi edhe për shkak të njohurive speciale nga përvoja e tij e mëparshme si funksionar i lartë i Minsitrisë së Punëve të Brendshme Franceze ka informuar vazhdimisht qeverinë franceze për fluksin e lartë të azilkërkuesve shqiptarë të ardhur kryesisht nag zonat më të varfra malore të Shqipërisë. Po ashtu Ambasada Franceze, të paktën që në dimrin e viti 2016 ka ushtruar vazhdimisht presion mbi autoritet shqiptare për këtë problem. Në rastin e francezëve nuk mund të dalë ndonjë geishë-ambasadoreshë si ajo e Holandës e të thotë, që autoritet holandeze,kurrë nuk më kanë ngritur problemin e azilkërkuesve dhe klandestinëve shqiptarë.  Ambasada Franceze ndryshe nga shifrat e manipuluara të INSTAT-it shqiptar thekson në informacionet e saja për Quai d?Orsay  se papunësia deri në 30% është një nga arsyet e këtij fluksi azilkërkuesish shqiptarë.

Franca pranoi 16% të kërkesave për azil të shqiptarëve

Gjithsesi në Francë ka shumë më tepër shpresë për azil për shqiptarët sesa në Holandë apo Gjermani, ku janë pranuar më pak se 1% e kërkesave. OFPRA gjatë viti 2016 pranoi rreth 16% të kërkesave për azil të azilkërkuesve shqiptarë. Shifër kjo e konsiderueshme, që i bën optimistë shqiptarët se ende ia vlen të shkosh e të kërkosh azil në Francë.

Rruga bullgare për në Europë

Gazetari francez Philippe Bogio për herë të parë në mediat frankofone ekspozon një rrugë të re të shqiptarëve drejt Europës, drejt Francës. Ai stigmatizon autoritet bullgare, që po përpiqen shumë për të gjetur bullgarë-bullgarë (safi bullgarë) në rradhët e shqiptarëve të Shqipërisë dhe Kosovës. Të tillë bullgarë-shqiptarë-kosovarë të pajisur me pasaportat komunitare bullgare ia mësyjnë ligjërisht vendeve të Europës si Gjermani, Francë, Suedi, Vendet e Ulta etj. për të punuar e jetuar ligjërisht si qytetarë taze të Komuniteti Europian./Gjergj Thanasi

Artikullin e gazetarit Philippe Bogio mund ta konsultoni në : https://www.slate.fr/story/150237/france-immigration-albanais





Lajmet e fundit nga