Qeveria "Dum-dum"

28 Gusht 2017, 09:31, Aktualitet CNA

“Dum-dum-i” është një automjet më i vogël se kamionçinat apo dhe “pick up-ët” ne te shumten e rasteve 3 rrotash të cilët i gjen në periferi të pazareve, qe mbajnë ngarkesa të lehta rreckash apo mobiljesh, po kryesisht sherbejnë për largime dherash e mbeturinash, nga ndonjë kantier i vogël brenda qytezave. Ato nuk perballojnë rrugë malore e sidomos në autostrada bëhen rrëzik-vdekje.

Shqiptarët ia kanë venë emrin “dum-dum” per arsye se zhurma që lëshon motori i tyre është i zulmëmadh e po të mos i shohësh, nga zhurma duken më të gjigandë se superkamionët që çajnë malet. “Dum-dumet” e kanë provuar te bejnë rrugë kamionësh, po janë shpjerdhur rrugës me gjithë ngarkesë.

Do të thotë dikush, morepo edhe ti, hedh ” bejte” e ofeza gratis per qeverinë? Asnjëherë.

Timonieri me gjithë “dum-dum” janë më legjitimët e historisë. Atë rrangallë zgjodhën shqiptarët për të ngjitur të përpjetat, kthesat e zigzaket e reformave e sidomos për të mbërritur në Europë.

Sa per shoferin…(zot mos ia lësho kujt për hise), tani ka kater vjet përvojë. Edhe pse nuk ka patentë, prap e di se nuk hyn dot në autostradë. Kanë rregullore të forta autostradat europiane, ndaj ka zgjedhur rrugë alternative ani pse e gjatë.

Do ti bjerë nga Jugosllavia. Kjo u konfirmua. Gjasat janë për nga Moska. I janë gjetur edhe harta në “kruskot” që mund ti bjerë edhe nga Kina. Në fund të fundit janë rrugë të rrahura më parë nga “automjeti” i tij.

Mohojeni po deshët.

E megjithatë Timonieri nuk e fshehu dot një brënkë dje, kur po pro(muo)vonte “dum-dumin” në oborr të hangarit socialist. Dy orë plot e shtatë minuta, i hipi, i zbriti, i dha gaz sa fëlliqi dynjanë me tym. Po i pakënaqur.

Thua për “mjetin” që i dhanë shqipot? Edhe mundet. Sigurisht që priste kamion, më mirë autobus, ose së paku minibus. Po shqipot “dum-dum” i dhanë.

Mbas llafit të gjatë prej më shumë se dy orësh të timonierit, mori lesht per duartrokitje.

Dhëntë zoti një status, një artikull, një lajm entuziast nuk doli nga kutijat televizive për Qeverinë e re që emëroi kryeministri i vjetër dje në parti. Heshtje kotulluese gjithandej.

Kurse kritikët, qesëndisësit, skeptikët, vajtimorët nxituan të nxinin kartë-n. Madje dhe ti nxirrnin gjuhën qeverisë së re safi socialiste, ruço-ram-iziste.

Pak e komplikuar situata per shqiptarët që i duan gjërat shkurt.

Ajo që dihet është se shqiptarët kanë votuar, janë më pak se gjysma e atyre qe duhej të votonin. Ndersa për qeverinë e ardhshme socialiste, kanë votuar vetém 22% e tyre. Kjo do të thotë se në “dum-dumin” e qeverisë 78% e shqiptarve nuk kanë asnjë perfaqësim dhe timonierit sa ti mbarojë benzina do te ngecë, nëse Basha nuk e ndjek mbrapa me bidon sipas “fjalëve të veshit” ose kryemadhja me ndonjë urdher nga lart, nuk bën “piruetë”

Timonieri e di që “dum-dumi” me të cilën ai duhet të qeverisë, është më pak sesa një e katërta e vullnetit shqiptar.

-Me “dum-dum” në Europë?

-Po ore. Kjo është pak po e sigurtë,- tund kaploçen pa pikë mëdyshje kryeministri- edhe me “dum-dum” shkohet në…

-Dale dale ‘re… e mban mend një kryeminister që pasi nuk i ndezi traktori i kovaçhanes se “autotraktorave”, dekllaroi: “me shokun kà do bëjmë komunizmën” hë de, nuk ke qënë i vogël.

Pastaj partia e vet, dmth kjo tendja, e çuan në thertore…jo traktorin as kaun, po kryeministrin./ Nga Zef ZEFI