Rama i përgjigjet "ashpër" Hollandës për refuzimin e vizave

26 Gusht 2017, 10:21, Aktualitet CNA

Në përfundim të takimi me kryeministrat e Ballkanit Perëndimor, kreu i qeverisë Edi Rama u shpreh se të gjitha vendet kanë rëndë dakord në letër për një plan me rreth 115 pika në funksion të një transformimi në kuadrin e lëvizjes së mallrave, shërbimeve dhe punonjësve të kualifikuar për ta bërë rajonin më tërheqës për investimet, duke përshpejtuar afrimin me BE, por edhe mirëqenien.

Gjithashtu ai ka bërë publike edhe bisedën e bërë me komisionerin Hahn. Rama u shpreh se e ka njohur komisionierin Hahn me opinionet për statusin aktual të Shqipërisë me BE, zgjedhjet, vazhdimin e reformave, luftën korrupsionit.

Në fund të fjalës së tij, Rama ka ?ashpërsuar? gjuhën, ku është shprehur se refuzon që BE ta cilësojë Shqipërinë si vendin e kriminelëve, pasi sipas tij kriminelë ka çdo vend. Ai i ka kthyer një “përgjigje” dhe Hollandës, lidhur me refuzimin e vizave shqiptarëve për shkak të rritjes së kriminalitetit, Sipas Ramës pretendimi i Hollandës është absurd.

“Është një moment me shumë rëndësi. Procesi që mban emrin e Berlinit duhet të jetë i zotuar nga rajoni. Është e qartë që kemi një plan veprimi me rreth 115 pika në funksion të një transformimi në kuadrin e lëvizajes së mallrave, shërbimeve dhe punonjësve të kualifikuar për ta bërë rajonin më tërheqës për investimet duke përshpejtuar afrimin me BE, por edhe mirëqenien. Jemi shumë të inkurajuar nga fakti që në nivelin politik ka një dakordësi të plotë, me komisionin ka një sinergji të plotë, BB është përfshirë me kërkesën tonë, BERZH është në dispozicion. Ky reflektim do të na vlejë për një anxhendë më intensive për lëvizjen e mallrave për shmangien e barrierave. Për të rritur maksimalisht përfitimet nga lëvizja e lirë e shërbimeve për të fuqizuar ekonominë dixhitale. Shkëmbyem me Hahn opinionet për statusin aktual të Shqipërisë me BE, folëm për zgjedhjet si një moment me rëndësi i kapërcyer me sukses, folëm për vullnetin për të vazhduar ajo që u nis si një qasje e re mes qeverisë dhe opozitës. E njoha me planin e këtij mandati në funksion të reformave, një transformimi të shërbimeve, luftë korrupsionit, domosdoshmëri vettingu për Shqipërinë dhe përshpejtimin e procesit të integrimit. Ndamë pikëpamjen se përpjekja për të kufizuar fluksin e azilkërkuesve po jep rezultate inkurajuese dhe nuk ka shqiptarë azilkërkues, por shqiptarë në kërkim të një pune dhe një jete më të mirë në një treg pune ku shqiptarët nuk e kanë lirinë dhe ky është kufizimi që gjendet nga pozicioni që gjendemi. Unë refuzoj ta pranoj shënjestrimin e shqiptarëve si një arsye për të treguar me gisht Shqipërinë. Kriminelët janë kriminelë kudo dhe pa dallim ata duhet të përgjigjen kudo dhe pa dallim. Nuk ka flamur dhe kombësi, por raport me ligjin. Refuzoj cdo përpjekje politike dhe mediatike të vendeve të BE për të treguar me gisht një krim shqiptar dhe Ballkanit. Nga ana tjetër azili nuk është opsion dhe kushdo që merr atë rrugë hyn në një rrugë ku ka vetëm humbje. Duhet të përshpejtojmë procesin e integrimit dhe së fundmi ndamë pikëpamjen se po bëhet një punë fantastike në luftën kundër kanabisit. Ky do të jetë viti që e mbyll këtë histori. BE do të financojnë edhe një muaj më shumë fluturime. Në fund të këtij sezoni Shqipëria do të dalë nga harta e vendeve problematike për kanabisin”, tha Rama. /CityNews