E fundit!

19:21 Kosova & Bota

"Ata tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

Kryeministri Edi Rama ka theksuar në takimin me banorët e ...

Turrma e irrituar e lushnjarëve mban peng Tritan Shehun e bërë një dorë nga frika

25 Gusht 2017, 19:25, Aktualitet CNA

Çfarë ndodhi me Tritan Shehun, pasi helikopteri qeveritar e zbriti në fushën e futbollit të stadiumit të qytetit të Lushnjes për të biseduar me lushnjarët, të cilët, të acaruar nga rrënia e firmës piramidale ?Xhaferri? dhe burgosjes së drejtuesit të saj Rrapush Xhaferri, ishin përfshirë në protesta të dhunëshme dhe djegien e disa institucioneve vendore tepër të rendësishme?

Përgjigjen na e sjell gazetari Xhovani Shyti, në librin e tij me titull: ? Ditët e frikëshme të vitit ?97?, fragmente të të cilit CityNews i ka sjellë ditët e shkuara. Ja çfarë shkruan autori Shyti në faqen 62, në vijim të përshkrimit të skenës ku Tritan Shehu gjendet në tribunën e stadiumit, duke u përpjekur ti përgjigjet pyetjeve:

?…Gjatë bashkëbisedimit me lushnjarët e acaruar nga indiferenca e qeverisë për gjithë sa kishte ngjarë, ministërzvendëskryeministri Shehu zu të rendiste sukseset e qeverisë, pa harruar për asnjë çast ?të kuqtë?, domethenë socialistët, që, sipas tij: kërkonin të na kthenin në kohët e vjetra nostalgjike… Numri i pyetjeve që iu adresuan atij qe aq i madh dhe i vrullshëm saqë Tritan Shehu e pati të vështirë ti mbante mënd, e, aq më pak, tu përgjigjej. Kështu që e nisi nga përgjigja e pyetjes së fundit të cilën e kishte më të freskët.

?Ne nuk kishim informacionin e nevojshëm për këto skema, prandaj dhe heshtëm. Gabime mund të bëjnë të gjithë, duhet ta pranojmë…?, artikuloi Shehu që nuk mundi të vazhdonte pasi e ndërpreu një zë që iu drejtua të grumbulluarve:

?Ky është i paturp, vjedhjen e quan gabim… Vajta lash leshtë në ndërtim në Itali, ato lekë që fitova i futa në firmë jo për ti humbur, s?di si do më vejë filli, këtej e tutje, kurse ky flet hezber?.

Njeriu që ngriti zerin ishte një 30 vjeçar i cili mbështetej në anën e djathtë mbi një patericë të drunjtë. Më pas lëshoi në drejtim të ministërzvendës kryeministrit një gur, duke mos u ndalur të shfrynte ndaj tij frazën? Qen bir qeni?!

Njeri nga shoqëruesit, pjesë e eskortës truprojë, i doli para qeveritarit të lartë dhe e mbrojti me trupin e vet.

?Nuk është mirë kështu, unë erdha si mik tek ju?, qe fraza e fundit që adresoi Tritan Shehu, por që ishte njëherëz dhe kufiri që ndau ?paqen? ndërpalëshe.

Pasi, pas këtij çasti, filli i bashkëbisedimit u shturrit dhe vendin e ?mirëkuptimit? e zuri zallamahia. Derdhja e sharrjeve e fyrjeve, goditja me shapka e sende të tjera e detyruan Ministërzvendëskryeministrin të tentonte zbritjen e shkallëve për të shkuar tek helikopteri që priste, i ndjekur nga eskorta mbrojtëse, ndërsa foli: ?Po qe kështu unë po largohem?.

Mirëpo e ndali ecjen pasi një djalë me shtat të shkurtër e baseta të gjata u shkëput nga turma dhe e zyri prej gryke. ?Askund nuk ke për të shkuar, bastard?, i tha ai.

Shoqëruesit ndërhynë në çast për ta liruar, por brenda pak sekondave mbi ta u derdhën një lukuni njerëzish që i detyruan të ringjiteshin sërish lart shkallëve. Një morri gurësh ranë mbi grupin e vogël të eskortës që kishte futur në mes Tritan Shehun dhe që e ndodhur përballë një turme tejet të egërsuar e shumë herë më të madhe, e pa më të udhës të mbrohej në mënyrë pasive. Ministërzvendëskryeministri ishte bërë një dorë. Nga ky moment ai dhe grupi kishin mbetur peng i lushnjarëve që nuk dëgjonin ti hapnin rrugën e kthimit drejt Tiranës…?.

(Vijon me fragmentin që i jep përgjigje pyetjes: Ja futën apo nuk ja futën preshin Tritanit lushnjarët?)

* Fragmenti i mësipërm është eksluzivitet i CityNews. Botohet me leje të autorit. Nëse jeni i interesuar për ta blerë, librin e gjeni tek libraritë ? Adrion?, pranë Pallatit të Kulturës dhe ?Book Story? në qendrën tregtare TEG.