web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni PAN, përpjekje për të joshur Behxhet Pacollin

25 Gusht 2017, 19:06, Aktualitet CNA

Koalicioni kosovar i partive PAN, fitues i zgjedhjeve të jashtëzakonëshme të mbajtura në 11 qershor e që për më shumë se dy muaj nuk po ja del të zgjedhë forumin drejtues të Kuvendit dhe qeverinë e re, thonë se do t?i japin kohën e duhur Pacollit për të vendosur që t?i bashkohet këtij koalicioni. Janë optimist se lideri i AKR-së do të vendosë siç thonë, në të mirë të vendit.

?Ne do t?i japim kohën e duhur z.Pacolli dhe shpresojmë që shpejt patjetër që ai dje veç ka bërë një deklaratë të tillë do të ketë mundësi që të bisedohet dhe të shihet se si të dalim nga kjo situatë?, tha  Magbule Shkodra nga AAK për televizionin 21. Shkodra thotë se ky koalicion ka mirëpritur deklaratën e djeshme të Behgjet Pacollit.

Ky i fundit tha se i ka dy propozim-zgjidhje para tij: ose të ketë zgjidhje brenda koalicionit LAA ose t?i jepet krahu PAN-it që të formojë Qeverinë.

?Ne prej fillimit e kemi kuptu pozicionin e z.Pacolli sepse ai ka qenë në një kontratë me LAA?në dhe mendojmë se ai ka bërë një gjë të duhur. Deri më dje ka respektuar atë kontratë, ka ofru një mundësi për ata që me të vërtetë t?i japim zgjidhje vendit kështu që përgjigjja e tij dje është pikërisht një përgjigje e një politikani të arsyeshëm i cili po mendon tani për një çështje?, tha Shkodra.

Oferta ndaj Pacollit dhe partisë së tij vjen ndërkohë që. në mungesë të votave të domosdoshme për të zgjedhur kryesuesit e Parlamentit. por edhe formësimin e qeverisë me kryeministër përfaqësues të koalicionit PAN Ramush Haradinaj, votat e zotëruara nga partia e Pacollit e kapërcejnë ngërçin dhe i sigurojnë këtij koalicioni vijimësinë e formësimit./ CityNews





Lajmet e fundit nga