web counter
LEXO PA REKLAMA!

SHKARKO APP

App Store
Google Play

E fundit!

x

Kosova pa drejtues të Kuvendit/ Si do të procedohet me seancat vijuese

25 Gusht 2017, 10:33, Aktualitet CNA

Ditën e enjte Kuvendi i Kosovës ka proceduar pa rezultat me vazhdimin e seancës konstituive, të filluar që nga 3 gushti, por që edhe në seancën e gjashtë nuk ka arritur sërish të zgjedhë kryetarin dhe nënkryetarët e këtij institucioni.

Kryesuesi Adem Mikullovski po zotohet se nuk do të thërrasë më  seancë me ftesë të koalicionit PAN, duke thenë se vetëm VetëVendosja e LAA-ja mund të propozojnë datën për caktimin e vazhdimit të seancës për kostituimin e Kuvendit

Zyrtarë të koalicionit PAN kanë deklaruar që nuk i kanë numrat e duhur për ta zgjidhur ngërçin kuvendar, që në fakt po mban peng edhe mosformimin e qeverisë së re.

Ndërkohë ka qenë vetë prijësi i këtij koalicioni dhe kandidati për Kryeparlamentar nga koalicioni PAN, Kadri Veseli, ai i cili e ka ftuar Lëvizjen Vetëvendosje që t?i bëjë numrat për Kryeparlamentar dhe ta dërgojë në Kuvend për votim.

Kryesuesi i Kuvendit të Kosovës, deputeti më i vjetër, Adem Mikullovci, po zotohet se nuk do të procedojë më datë për vazhdimin e seancës konstituive edhe nëse PAN e kërkon këtë gjë, duke thenë për mediat vendore se duhet të mblidhen partitë dhe të diskutojnë për koalicione të reja, në mënyrë që ai ta thërrasë seancën e re. Ai thotë se, përveç tij, askush nuk mund të thërrasë seancë konstituive.

?Nuk ka të drejtë askush pos meje të thërras seancë. Unë nuk thërras seancë deri sa partitë të mblidhen e të diskutojnë si dhe të bëhen koalicionet e reja, prishjet, dhe të bëhen gati për ta vazhduar seancën?, ka thënë Mikullovski, duke konformuar se menjëherë pas përfundimit të seancës të së enjtes, është mbledhur kryesia e Lëvizjes Vetëvendosje, për të gjetur zgjidhje rreth sigurimit të 61 deputetëve për ta proceduar në Kuvend, emrin e kandidatit nga ky subjekt për kryeparlamentar.

 





Lajmet e fundit nga