E fundit!

09:51 Aktualitet

Denoncimet për ndotjen e mjedisit në Dhërmi/ IKMT ndëshkon 5 biznese, pezullim dhe gjoba

Inspektorati Kombëtar për Mbrojtjen e Territorit (IKMT) ka...

Çfarë i sugjeron Fatos Lubonja PD-së dhe LSI-së

25 Gusht 2017, 09:55, Aktualitet CNA

Në vijim të analizave rreth të shkuarës dhe të ardhmes së partive kryesore politike shqiptare, Fatos Lubonja, ka publikuar ditën e sotme në gazetën ?Panorama? një analizë të tretë në qendër të të cilës janë Partia Demokratike dhe Lëvizja Socialiste për Integrim. Shkrimi titullohet ?Nëse PD dhe LSI duan të mbijetojnë?, ku midis të tjerave lexohet:

??Përsa i përket PD-së, meqënëse ka 25 vjet që deklarohet parti e djathtë, propozoj kthimin e saj nga një parti e sistemit të grabitjes , që ideologjikisht predikon të djathtën liberale, në parti të djathtë sociale.

Për LSI-në propozoj kthimin e saj në parti ?pragmatiste?, në fakt parti e sistemit, në parti vërtet socialiste. Ndryshe mund të përdor termin e majtë sociale si kundërvënie ndaj të majtës liberale, siç vetëkonsiderohet PS-ja?

Gjykoj se në këto kushte kërkesa për një parti ?liberale të vërtetë? për opozitën e djathtë, siç vetëquhet PD-ja, nuk do të ishte gjë tjetër veçse ruajtje e statukuosë. Sepse nuk ka një liberalizëm të vërtetë. Individualizmi i ka në AND-në e vet shumë nga të këqijat prej të cilave vuan sot dhe bota perëndimore. ku ka parti vërtetë liberale.

Por, ndërsa atje këto të këqia i zbut shteti i të drejtës, si dhe kundërpeshat institucionale, bazuar në faktin se njeriu nuk është vetëm qënie individuale, por edhe qënie sociale, siç janë psh komunitetet fetare, organizatat fetare filantropike apo edhe partitë e djathta e të majta sociale, në Shqipëri këto janë uluiritëse, pasi mungojnë tërësisht apo janë fare pa ndikim?

Personalisht do të votoja për një të majtë që i rikthehet sociales, ndaj ja rekomandoj LSI-së. me këtë kam parasysh një të majtë që i mëshon sociales, mbështetur në idealet e barazisë kundër polarizimit, të solidaritetit kundër egoizmit, që i kundërvihet alienacionit të njeriut të reduktuar në ?homo economicus? kombinuar me gjithë ato tipare të reja që ka përqafuar e majta sot?

Ndaj nuk është vështirë ti gjesh idetë nëse i kërkon, por problemi është se partitë tona janë të izoluara nga këto ide dhe e kanë mbajtur edhe shoqërinë të izoluar, se i ka interesuar që njeriu të ndjehet thjesht e vetëm si individ i braktisur në fatin e tij dhe jo si pjesë e një komuniteti që mendon jo vetëm për sot, por edhe për të ardhmen e tij e që vepron i bashkuar kundër rreziqeve që i kanosen??.

* Titulli është i CityNews, shkrimi vjen i redaktuar