web counter
LEXO PA REKLAMA!

SHKARKO APP

App Store
Google Play

E fundit!

x

Video- Si u kapën 6 mln euro drogë shqiptare/Italianët nxjerrin shifrat alarmante

21 Gusht 2017, 17:32, Aktualitet CNA

Policia italiane ka dhënë sot detaje të reja mbi gomonen me drogë të nisur nga Shqipëria, e cila u kap në afërsi të brigjeve të provincës së Leçes.

Gomonia drejtohej nga dy skafistë nga Vlora, R. L., 30 vjeç, dhe D. H., 23 vjeç, dhe është ndaluar nga Reja Bregdetare e Barit ROAN, natën e së shtunës duke gdhirë e diela, në ujërat e komunës së San Kataldos në Leçe. Mjeti që trafikantët po përdornin për trafikun e drogës ishte i gjatë 7 metra dhe me një motor shumë të fuqishëm.

Ndërkohë marijuana e sekuestruar në det ishte konfeksionuar në 22 koli të madhësive të ndryshme me peshë totale 633, 85 kg e cila nëse do të hidhej në treg trafikantët do të përfitonin 6 milionë euro.

Ndaj dy skafistëve korrierë R.L 30 vjec e D,H 23 vjec nga Vlora është ngritur akuza e trafikut ndërkombëtar. Në këtë deklatatë për shtyp Guardia di Financa italiane informon gjithashtu se prej fillimit të vitit 2017 janë sekuestruar përmes detit rreth 24 tonë marijuanë dhe se Policia Financiare e Puglias ka arrestuar 32 skafistë.

Ndërkohë në të njëjtën periudhë të vitit 2016, janë sekuestruar rreth 22 tonë marijuanë. Plot 1.3 ton kanabis u sekuestruan dje në dy aksione njëri në ujërat ndërkombëtare dhe tjetri në Akërni të Vlorës./CityNews


Droga e kapur ne gomonen e nisur nga Shqiperi by news-al





Lajmet e fundit nga