Shqipëri-Pulje, “autostrada” e drogës

21 Gusht 2017, 14:51, Aktualitet CNA

Ish kryeministri socialist Pandeli Majko do mbahet mend edhe për idenë e tij të guximshme për të ndërtuar një tunel nën Kanalin e Otrantos për të lidhur me autostradë brigjet shqiptare me ato puljeze. Ëndërrën e Majkos në një farë mënyre e ka bërë realitet mafia shqiptare. Gjatë viti 2016 vetëm në bregdetin dhe prapatokën puljeze u kapën mbi 220 kuintalë kanabis ?Made in Albania?.

Kujtojmë që viti 2016 ishte viti i kanabizimit të Shqipërisë me mbjellje e të korra rekord. Vetëm gjatë 7 muajve të vitit 2017 në brigjet dhe prapatokën puljeze janë kapur mbi 240 kuintalë kanabis prodhim shqiptar si edhe janë arrestuar 32 skafistë shqiptarë e italianë. Me sa duket 2017 jo thjesht do thyejë rekordin e kanabisit të 2016, por do ta thyejë bujshëm këtë rekord. Këtyre sasive të drogës të kapura në Pulje duhet tu shtojmë edhe sasi jashtëzakonisht të mëdha droge të kapura në brigjet e Rajonit të Molizes, në Portin e Ankonës si edhe në brendësi të territorit italian. Sasitë e kapura lëvizin nga 12 në 80 kuintalë kanabis në cdo maksi sekuestrim droge. Në tërë territorin italian vetëm gjatë 7 muajve ty 2017 janë kapur mbi 430 kuintalë kanabis shqiptar.

Shifrave të tilla po tu shtohet kanabisi shqiptar i kapur në Greqi, Gjermani , Vendet e Beneluksit dhe në Francë si edhe sasitë e kanabisit, që kanë arritur tu shpëtojnë organeve ligjzbatuese të këtyre vendeve europiane, të cojnë në sasi të frikshjme të kanabisit të prodhuar në Shqipëri. Pikërisht një prodhim i tillë kanabisi edhe Lazaratin e famshëm edhe Dukagjinin e para 3 viteve i relativizon plotësisht si ?kryeqytete? europiane të kanabisit. Tashmë Shqipëria si prodhuese neto e kanabisit rivalizon rrotë më rrotë me Marokun (dhe ato shtete në SHBA, që e kanë dekriminalizuar kultivimin e kanabisit), të cilët konsiderohen si rekordmenë botërorë të prodhimit të kanabisit.

Italianët po alarmohen maksimalisht edhe për faktin që me gomone, e skafe krahas kanabisit në Itali po mbërrinë edhe kokainë, heroinë, armë, municione, lëndë plasëse madje edhe operativë të Daeshit! Tashmë që opozita është neutralizuar totalisht në Shqipëri, regjimi i Rilindjes nuk do ketë më problem me opozitën holandeze të Lulit, por me faktorin euro-atlantik, sidomos me rënien njëri pas tjetrës të qeverive europiane të karakterizuara si ?ancient regime? në epokën Trump! Shifrat e sasive të kanabisit shqiptar të kapura në anën tjetër të Adriatikut e të përdorura për ilustrim në këtë shkrim janë marrë nga burime zyrtare e të hapura italiane!/Nga GJERGJ THANASI