web counter
LEXO PA REKLAMA!

SHKARKO APP

App Store
Google Play

E fundit!

x

Nga Elvi FUNDO/ Një mesazh për dhunuesit e gazetarëve

21 Gusht 2017, 11:36, Aktualitet CNA

Dje policia ka kryer një veprim konkret, ka ndaluar një nga dhunuesit që më goditën me leva hekuri në datën 8 mars. Një mesazh mbështetës dhe inkurajues për të gjithë ata që bënë të mundur zbardhjen, në vecanti Arditin, Robertin, ish-drejtorin e Policisë Tiranë, Ervin Hodaj dhe drejtorin e ri, Ardi Veliu, e shumë djem të tjerë që nuk po i përmend.

Por, përtej këtij falenderimi për policinë dhe deri diku edhe prokurorinë, kam një mesazh për ata që dhunojnë gazetarët dhe zërin e tyre.

Dhunuesi është krimi, jo gazetarët që thonë të vërtetën. Ata janë misionarë, por ndoshta misionin e tyre të pandalshëm e ngatërroni me pronarët e mediave.

Ndoshta nuk keni asnjë faj kur shikoni gazetarë me rroga qesharake dhe pronarë që përfitojnë miliona euro nga puna e tyre. Këto nuk i fitojnë nga shitja e gazetës apo audienca televizive apo e Web-it, i fitojnë nga gjobat, pazaret që bëjnë me pushtetin. Janë mercenarë njësoj si dhunuesit, vetëm çmimin e kanë më të lartë.

Pronarë mediash me licensa koncesionesh, leje pallatesh, kioska, tendera, disa të dyshuar si trafikantë droge, me biznese të pista, gjobaxhinj e të korruptuar. Këta janë mercenarët e pushteteve, fillon nga dje vazhdon edhe sot.

Pronarë mediash që janë po aq dhunues sa dhe mercenarët që marrin levat pas urdhërave  të shoqëruar me ndonjë zarf, apo shlyejnë ndonjë borxh të vjetër.

Por të dy palët ngelen dhunues dhe janë njësoj, fitojnë nga dhuna dhe presioni mbi gazetarët.

Të shpresojmë që zbardhja e dhunës dhe kapja e këtij autori të ndalë sadopak dhunuesit me leva, por drejtësia duhet të fillojë Vettingun me pronarët e mediave. Ata janë po aq dhunues sa edhe një njeri me leva në dorë, por më tepër, viktimat e tyre janë të përditshme dhe të pandalshme./Citynews





Lajmet e fundit nga