web counter
LEXO PA REKLAMA!

SHKARKO APP

App Store
Google Play

E fundit!

x

Ndërron jetë ish-Kryeministri i Kosovës

21 Gusht 2017, 08:39, Aktualitet CNA

Ish-kryeministri i Kosovës, Bajram Rexhepi, 63 vjeç, ka ndërruar jetë gjatë orëve të para të këtij mëngjesi.Si shkak të vdekjes së tij autoritetet mjekësore kanë thënë se është bërë një hemoragji celebrale.

Sikurse kanë njoftuar mediat kosovare, Rexhepi ndodhej prej kohësh në gjendje të rënduar shëndetësore dhe ishte i shtruar në një prej spitaleve të Turqisë.

Ish-kryeministri fillimisht u shtrua për kurim në Qendrën Klinike Universitare të Kosovës ku iu nënshtrua operacionit, por për shkak të gjendjes së rënduar u transferua për trajtim  më të specializuar në Turqi.

Kush ishte Bajram Rexhepi:

Bajram Rexhepi u diplomua në Fakultetin e Mjekësisë në Universitetin e Prishtinës në vitin 1979 dhe studimet pas-universitare i përfundoi në Zagreb në vitin 1985. Rexhepi punoi si kirurg i përgjithshëm dhe specialist endoskopik në spitalin rajonal të Mitrovicës deri në vitin 1990. Më pas, ai u bë udhëheqës i qeverisë hije në qytet dhe u zgjodh si i dërguari i Mitrovicës në Kuvendin e Kosovës. Gjatë luftës më 1999 me Serbinë, Rexhepi iu bashkua Ushtrisë Çlirimtare të Kosovës dhe kaloi tre muaj në male duke shërbyer si mjek në zonën operative të Shalës.

Pas luftës, Rexhepi shërbeu si kryetar i këshillit bashkiak të Mitrovicës dhe Kryetar i pjesës së jugut të qytetit të ndarë, si dhe drejtues  i degës së organizatës së PDK në qytet. Në zgjedhjet e përgjithshme më 17 nëntor të vitit 2001, PDK fitoi 25.7 % të votave, duke u radhitur e dyta pas Lidhjes Demokratike të Kosovës.

Bajram Rexhepi ndërroi jetë ditën e sotme në një spital të Turqisë nga hemoragjia celebrale./CityNews





Lajmet e fundit nga