Reforma në drejtësi/ Komisioni Europian jep dhjetë milion euro për OMN-në

21 Gusht 2017, 07:56, Aktualitet CNA

Komisionit Evropian (KE) ka miratuar shumën dhjetë million euro për të financuar Operacionin Ndërkombëtar të Monitorimit, që është një nga institucionet e rendësishme mbikqyrëse të reformës në drejtësi. Lajmi ka dalë nga burime mediatike të cilat i janë referuar një raporti të Komisionit, ku specifikohet gjithashtu objektivi i OMN-së, por edhe mënyra e organizimit të këtij Misioni. Sipas gazetës “Sot”:

?Operacioni Ndërkombëtar i Monitorimit (ONM) do të mbështesë procesin gjatë gjithë kohës. Kompetencat e tij janë mbikëqyrja e ushtrimit të detyrave dhe dhënia e rekomandimeve në fazat para-vetingut. Në ONM përfshihen partnerë brenda kuadrit të integrimit evropian dhe euro-Atlantik dhe do të drejtohet nga Komisioni Evropian. Vëzhguesit ndërkombëtarë do të monitorojnë procesin e rivlerësimit dhe do të veprojnë si ekspertë afatgjatë. Vëzhgues ndërkombëtarë do të përfshihen në katër komisionet e ulëta dhe dhomën e apelit, por nuk do të kenë fuqi vendimmarrjeje, apelimi apo të drejtë të kërkojnë prova. Ata mund t?i kërkojnë komisionerëve publikë të marrin në konsideratë apelimin ose jo, bazuar në opinione të logjikshme. Nëse komisionerët nuk ndjekin kërkesat e vëzhguesve ndërkombëtarë, ata duhet të japin një argument me shkrim?, thuhet në raport? thuhet në raport.

Më tej në të zbardhet edhe përbërja e grupit, ku parashikohet një staf shumë i gjerë, por edhe përbërja cilësore e tij.

?Vëzhguesit ndërkombëtarë do të jenë anëtarë me të paktën 15 vjet eksperiencë në gjyqësor në vendet e tyre. Një tjetër vëzhgues ndërkombëtar që është ofruar nga SHBA për ONM me të njëjtat kritere do të integrohet në grupin monitorues. Stafi dhe pajisjet mbështetëse të vëzhguesit do të jepen nga fondet evropiane të projektit. Vëzhguesit do të mbështeten nga një grup teknik dhe stafi i nevojshëm. Grupi teknik do të përbëhet nga shtetas të BE si më poshtë: Menaxher, shef sigurie, ekspert IT, ekspert ligjor; analist, përkthyes (anglisht-shqip-anglisht). Pjesa tjetër e grupit duhet të përfshijë një maksimum prej: një ekspert vendas IT, katër analistë nga BE, pesë analistë/studiues të specializuar në hetime financiare e kriminale, 25 përkthyes, katër juristë nga BE, gjashtë juristë vendas, staf administrativ mbështetës dhe katër shoferë?, thuhet në raport. Në fund të të cilit citohet se i gjithë qëllimi i reformës është luftimi i korrupsionit në të gjitha nivelet dhe dhënia fund e ndërhyrjes së politikës në drejtësi.