web counter
LEXO PA REKLAMA!

SHKARKO APP

App Store
Google Play

E fundit!

x

Reagon UGSH/ Arrestimi i dhunuesit të gazetarit Fundo, shpresë për ndëshkim ligjor

21 Gusht 2017, 10:23, Aktualitet CNA

Pas lajmit të konfirmuar zyrtarisht edhe nga Policia e Shtetit, lidhur me arrestimin e një personi të dyshuar si një ndër autorët e sulmit mbi gazetarin Elvi Fundo, ka reaguar edhe Unioni i Gazetarëve Shqiptarë (UGSH), i cili disa herë ka artikuluar thirrje në adresë të Policisë për kapjen dhe zbulimin e autorëve, pas ndodhjes së aktit të rendë kriminal.

Ja teksti i plotë i reagimit të UGSH i përcjellë nga zyra e shtëpit të Unionit:

?Njoftimet për ndalimin e një personi të dyshuar si një ndër autorët e sulmit mbi gazetarin Elvi Fundo, ngjallin shpresë për ndëshkimin ligjor.
Unioni i Gazetarëve Shqiptarë me kohë, përmes deklaratave dhe një letre publike drejtuar krerëve të institucioneve me të larta të rendit dhe sigurisë në vend, kishte kërkuar zbardhjen e rastit dhe ndëshkimin e autorëve. Lajmi i fundit ngjall shpresë se persona që guxojnë të dhunojnë apo kërcënojnë gazetarët në këtë vend nuk mund të mbeten në arrati dhe larg ndëshkimit.
Unioni i Gazetarëve Shqiptarë shpreh besimin se ndalimi i një personi do të hedhë dritë mbi motivet dhe arsyen pse dhunuesit e goditen gazetarin Elvi Fundo në muajin mars të këtij viti.
UGSH shpreh besimin se hetimet do të hedhin dritë të plotë për zbardhjen e rastit dhe ndëshkimin e gjithë të implikuarve në këtë agresion mbi gazetarin?./CityNews





Lajmet e fundit nga