E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Helikopteri që solli pengun/Në vend të Rrapush Xhaferrit lushnjarët shohin Tritan Shehun

19 Gusht 2017, 09:17, Aktualitet CNA

Deputeti ?xhaketë vjetër? i Republikës së re të Lulzim Bashës, Tritan Shehu, është personazh edhe i një tjetër libri të gazetarit Xhovani Shyti, përveç atij me titullin ?Pabesia e një ambasadori në Tiranë?. Fjala është për librin ?Ditët e frikëshme të vitit ?97-të?, pjesë e ciklit ?Ditari i gazetarit?.

Në ndërkapitullin ?Helikopteri që solli pengun?, ndërsa përshkruan kronikën e ngjarjeve të ndodhura në qytetin e Lushnjes, midis të tjerave autori jep edhe vizitën e papritur të Tritan Shehut në këtë qytet, banorët e të cilit ishin hedhur në revolta të pandalëshme, duke djegur një serë institucionesh shtetërore, pas rrënies së skemave piramidale tek të cilat ata kishin depozituar paratë.

?Qindra qytetarë qenë mbledhur në sheshin kryesor të qytetit, para Bashkisë së djegur e në trotuare, duke komentuar shkrimet e gazetave ditore që u bënin jehonë ngjarjeve të fundit në qytetin e tyre, dhe shprehnin indinjatën e thellë për heshtjen e qeverisë përpara kësaj gjëndjeje të nderë?,- shkruan autori në faqen 60 të librit, dhe më tej vijon:

?…Ndërkaq se kush përhapi një lajm, që u komentua si i porsadalë nga zyrat e Policisë lokale. Sipas këtij lajmi: Një helikopter ishte nisur nga Tiranë, me të burgosurit, midis të cilëve thuhej se ishte edhe vetë ?Gjeneral? Rrapush Xhaferri. Vendqendrimi i këtij helikopteri do të ishte stadiumi i qytetit, ku ai pritej të mbrinte pas disa minutave. Një pjesë nuk e besuan këtë lajm, duke e vlerësuar si truk të policisë vendore për të liruar sheshin, kurse shumë të tjerë rendën me një frymë në pjesën jugore të qytetit, atje ku ndodhej stadiumi i futbollit…

Uturima e motorëve të helikopterit ushtarak shoi çdo dyshim tek njerëzit dhe nxiti kureshtjen e të gjithëve. Madje dhe gratë e fëmijët braktisën punën e lodrat dhe u dyndën drejt fushës së gjelbër…Të gjithë prisnin me sytë drejtuar nga helikopteri.

Në momentin që rrotat prekën barin e zverdhur e të tharrë vënde-vënde të fushës së futbollit, një ?uuuuu…! zhgënjyese përfshiu turmën që kishte mbushur tribunën kryesore dhe shkallët e stadiumit. Nga që kur helikopteri ndali dhe prej tij zunë të zbrisnin të mezipriturit, “Gjeneral” Rrapushi, bosi i fondacionit Xhaferri, nuk ishte midis grupit të ?mysafirëve?…

Dikush nga të sapoardhurit foli, me megafon, dhe e ftoi turmën të zhvendosej në aneksin për karshi pishinave, pasi njëri nga njerëzit e rendësishëm të Qeverisë do tu thoshte disa fjalë.

Sheshpushimi i shkallëve që të shpinin për në tribunë u shfrytëzua për podium. Mirëpo kush ishte njeriu i rendësishëm i qeverisë, që kishte sakrifikuar ardhjen nga Tirana, për tu thenë disa fjalë? Kureshtja nuk zgjati shumë. të rrethuar midis katër pesë shoqëruesve civilë njërëzit arritën të pikasin zëvendëskryeministrin, Tritan Shehu, njëherësh edhe ministër i Jashtëm e deputet i Lushnjes, të veshur me një kostum bojëqielli të lehtë e më kravatë ngjyrëndezur, që përpiqej të buzëqeshte. ?Unë- tha ai,- Jam këtu për të…?.

* Fragmenti i mësipërm është eksluzivitet i CityNews. Botohet me leje të autorit. Nëse jeni i interesuar për ta blerë, librin e gjeni tek libraritë ? Adrion?, pranë Pallatit të Kulturës dhe ?Book Story? në qendrën tregtare TEG.