Shënim/Karabina dhe Karabushi

17 Gusht 2017, 15:32, Aktualitet CNA

Prej dy ditësh, e gjithë vëmendja politike është përqendruar te ministrat teknikë të Partisë Demokratike, të cilët paraqitën dhanë dorëheqjen pas rreth 3 muajsh bashkëjetesë me qeverinë socialiste të Edi Ramës. Ishin gjashtë ministra teknikë dhe zëvendëskryeministrja, të cilët zunë karriget e pushtetit, me qëllimin për të monitoruar procesin zgjedhor të 25 qershorit, por që qëndruan aty për gati 3 muaj, duke drejtuar institucionet e rëndësishme dhe firmosur jo pak vendime.

Shumë të komentuar kanë qenë ministrat teknikë të Lulzim Bashës, të cilët u kthye totalisht në qesharak me raportin për zgjedhjet. Ata e dorëzuan raportin final ditën kur paraqitën dhe dorëheqjen e tyre, dje, teksa kishin kaluar të gjitha afatet ligjore dhe juridike për ankimim në KQZ dhe Kolegj Zgjedhor. Por, akoma më qesharakja në radhën e ministrave teknikë, ajo që ?shkëlqeu? këto 3 muaj në qeveri, ishte ministrja e Arsimit, Mirela Karabina.

Kjo e fundit u kthye në ministren më qesharake të kabinetit ?Rama?, duke tejkaluar dhe Sekretarin qesharak të MAS, Plarenc Ndreca. Sikur të mos mjaftonin përplasjet e vazhdueshme mes Karabinës dhe Ndrecës, përgjatë gjithë intervalit kohor të qëndrimit të ministres në qeveri, ministrja ?e famshme? dhe tejet qesharake e Bashës bën gafën më të madhe vetëm pak ditë para dorëzimit të postit. Ajo ?pushtoi? të gjitha mediat ditët e fundit, ato shqiptare dhe kosovare, me kërkesën për hotelin me 5 yje, kërkesë që u shndërrua në një tallje pafund për të dyja vendet shqiptare.

Mirela Karabina ishte pra standardi i Lulzim Bashës dhe vetë Luli është në fakt standardi i Karabinës. Qesharakja Karabina drejtoi një ministri për rreth 3 muaj, pasi aty e çoi vetë Karabushi. Pra, me të drejtë mund të themi se standardi i Karabushit është Karabina dhe standardi i Karabinës është Karabushi.

Karabina kërkon hotel me 5 yje në Kosovë, ndërsa Basha shet zgjedhjet, braktis demokratët dhe qytetarët, nuk çon asnjë ankesë në KQZ dhe Kolegj Zgjedhor, manipulon zgjedhjet në PD, merr avionin dhe ik në ishujt ekzotikë për të pushuar. Në fund, pret që Karabina të firmosë raportin e tij prej Karabushi, raport që ashtu siç thamë më lart ka standardin e Karabinës dhe të Karabushit./CityNews