web counter
LEXO PA REKLAMA!

SHKARKO APP

App Store
Google Play

E fundit!

x

Basha kapet në flagrancë/Ja si tallet me demokratët

17 Gusht 2017, 14:26, Aktualitet CNA

Fatkeqësisht, jo vetëm për demokratët, por dhe për shqiptarët, në krye të opozitës do të vazhdojë të jetë edhe për pak kohë Lulzim Basha, i cili sot vulosi talljen e radhës me demokratët. Duke kaluar çdo afat ligjor, nuk bëri asnjë ankimim në KQZ apo në Kolegjin Zgjedhor për zgjedhjet dhe tani nxjerr para shqiptarëve një raport pa asnjë peshë ligjore dhe vlerë juridike, thjesht Luli tallet me demokratët dhe shqiptarët, që e braktisën më 25 qershor.

Të kesh një lider opozite kaq qesharak është një problematikë e madhe për vendin, kur në krye qëndron një kryeministër po aq i papërgjegjshëm, i cili në katër vite ka dështuar me sukses dhe këtë e pranon edhe vetë me raportet që publikon çdo ditë me banorët e qarqeve të ndryshme të Shqipërisë.

E ndërsa Rama është i kapur në flagrancë shpeshherë, Luzlim Basha jo vetëm kapet ditë pas dite, por po kthehet në qesharak, deri dhe i neveritshëm. Fatkeqësisht, çdo ditë që shkon, Luli, ashtu siç i mashtroi demokratët me marrëveshjen e 18 majit, ashtu siç i shiti më 25 qershor, ashtu siç i manipuloi më 22 korrik, po tallet në mënyrë banale çdo ditë me ta.

E fundit është dorëheqja e ministrave, justifikimi i qëndrimit të tyre ishte raporti për zgjedhjet. Një qëndrim qesharak, që servilët e tij e brohorisnin njëzëri, a thua se ministrat në raportin e tyre do të rrëzonin zgjedhjet, çertifikimin e tyre dhe vendi do të duhej të shkonte në zgjedhje të parakohshme.
Në fakt, asnjë nga këto nuk ndodh në një raport, sado i plotë qoftë ai. Kurse, raporti i paraqitur nga ministrat teknikë të Bashës është më shumë se qesharak, është një konstatim pa asnjë provë, është një tallje, që Luli të justifikojë katastrofën e tij elektorale të 25 qershorit.

Por tallja e Lulzim Bashës del hapur me publikimin e këtij raporti totalisht të pavlerë dhe pa asnjë peshë politike e juridike. Disa fletushka dhe argumente që do të përdoren nga Luli gjatë analizës në bazë, në rast se kjo do të zhvillohet, për të justifikuar katastrofën që i shkaktoi PD dhe opozitës.

Është tallje, sepse ai raport nuk ka asnjë vlerë juridike dhe ligjore, po aq i papeshë është edhe politikisht. Sot kur kanë kaluar afërsisht dy muaj nga zgjedhjet, Partia Demokratike nuk ka bërë asnjë ankimim ligjor në KQZ, nuk ka asnjë denoncim publik nga ana e PD, as me zë dhe as me figurë. Ka vetëm thashetheme, ndonjë rast tek-tuk që po ta shohim me vëmendje humbja në ato zona e PD është aq e thellë, sa jo manipulimi në një QV, por dhe në 20 të tilla, nuk e përmbys dot rezultatin.

Ankimimet në KQZ kanë mbaruar si afate, janë tejkaluar dhe afatet për në Kolegjin Zgjedhor, asnjë fakt dhe provë nga Lulzim Basha dhe kandidatët e tij. Sot, për të shpëtuar Lulin, ministrat e rinj nxjerrin një raport qesharak, që nuk ka asnjë peshë, pasi çdo veprim ligjor që mund të kryhej në KQZ dhe në Kolegjin Zgjedhor i ka kaluar çdo afat dhe kjo me urdhër të Lulit, i cili tërhoqi vëmendjen nga procesi i ankimimit dhe denoncimit të zgjedhejve për shkak të marrëveshjes së tij me Edi Ramën dhe tani na jep një raport që s?ka asnjë vlerë, i shërben atij, pra Lulit, për t?u tallur me demokratët.

Pasi nuk kapi dot hajdutët e votave, nuk verifikoi dot manipulimin e tyre, tani përpiqet të fshihet pas gishtit, duke na treguar një raport që s?ka vlerë juridike dhe duke harruar të gjitha afatet e ankimimeve në KQZ dhe Kolegj Zgjedhor. Pra, edhe njëherë, Luli raportin e do për t?u tallur me demokratët, sepse tashmë ai nuk ka më asnjë vlerë, është thjesht qesharak, ashtu si vetë Luli./CityNews





Lajmet e fundit nga