web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti- PD nuk i ndahet deputetit të PDIU/T’i hiqet urgjent imuniteti

14 Gusht 2017, 10:04, Aktualitet CNA

Partia Demokratike ka reaguar sërish për askidentin me një të vdekur në autostradën Tiranë-Durrës, ku u përfshi deputeti i PDIU, Aqif Rakipi.

Në një deklaratë për media, PD citon Nenin 273 të Kodit Penal, duke sqaruar se ai dikton se Aqif Rakipi mban përgjegjësi për largim nga vendi i aksidentit, që dënohet me 1 vit burgim.

Nga selia blu, thuhet se largimi nga vendngjarja pas përplasjes për vdekje të këmbësorit përveçse akt burracak i deputetit, është edhe vepër e pastër penale që e rëndon pozitën e tij para ligjit.

Deklarata e plotë:

Neni 273 i Kodit Penal, i cili është në fuqi edhe për miqtë e Edi Ramës, dikton se Aqif Rakipi mban përgjegjësi edhe për largim nga vendi i aksidentit, përgjegjësi që në vetvete denohet deri në 1 vit burgim.
Mbarë opinioni publik është i revoltuar se si gjithë shteti është vënë deri tani ëe shërbim të deputetit mik të Ramës, dhe në kurriz të viktimës. Gjithcka për ta paraqitur viktimën fajtor te aksidentit dhe fajtorin viktimë.
Largimi nga vendngjarja pas përplasjes për vdekje të Seit Sorrës, përveçse akt burracak i deputetit Rakipi, është edhe vepër e pastër penale që e rëndon pozitën e tij para ligjit.
Por miku i kryeministrit po përfiton nga Edi Rama i cili është në vijim të qendrimeve të tij te njohura, pranë krimit e larg qytetarëve. Per më teper, qe deputeti Rakipi njihet si pike kyce e nderlidhjes se Edi Rames me trafiqet.
Partia Demokratike i kërkon Prokurorit të Pergjithshëm dhe Kreut të Parlamentit të nisin urgjent procedurat e heqjes se imunitetit të deputetit Rakipi, dhe një hetim të plotë dhe te pandikuar te ngjarjes, në mënyrë që të ketë drejtesi për viktimën./CityNews





Lajmet e fundit nga