web counter
LEXO PA REKLAMA!

SHKARKO APP

App Store
Google Play

E fundit!

x

Renditja botërore/Pse nuk duhet të studioni në një Universitet Privat në Shqipëri?

9 Gusht 2017, 15:07, Aktualitet CNA

?Webometrics Ranking of World Universities?, (Renditja Botërore e Universiteteve), së fundmi ka bërë rankimin e të gjithë universiteteve në botë, duke filluar nga më i miri deri te më i fundit në renditje.

Ashtu siç edhe pritej, universitetet në Shqipëri janë shumë larg më të mirëve në botë dhe jo pa të drejtë në shumicën e rasteve nuk janë aspak të preferuar për të rinjtë ekselentë shqiptarë, të cilët zgjedhin të vazhdojnë larg Shqipërisë studimet e mëtejshme.

Por, le të mbetemi në Shqipëri dhe të bazohemi tek rankimi i universiteteve shqiptare, duke bërë edhe një krahasim të thjeshtë mes tyre.

Duke parë rankimet e këtyre universiteteve arrijmë te një e vërtetë e pamohueshme, te arsyeja kryesore se pse nuk duhet që të rinjtë shqiptarë të studiojnë te një universitet privat.

Duke parë listën e rankimit të universiteteve, Universiteti Bujqësor i Tiranës, megjithëse renditet i 5471 në botë, në fakt është Universiteti më i mirë në Shqipëri.

Ajo që bie në sy dhe që kërkon një vëmendje të veçantë është renditja e universiteteve private shqiptare sipas ?WUR? .

Pjesa më e madhe e tyre është renditur poshtë të gjitha universiteteve publike, megjithëse marketingu i tyre shpesh herë i bën rrjeta mashtrimi për të rinjtë shqiptarë dhe familjarët e tyre.

Pikërisht kjo është arsyeja kryesore pse nuk duhet studiuar në një universitet privat, nuk ka të bëjë aspak me një reklamë negative ndaj tyre, absolutisht as me prishje imazhi, por me një rankim botëror që nxjerr të vërtetën ashtu siç është, pa u ndikuar nga asnjë tentakulë marketingu.

Për të shpjeguar këtë marrim një rast specifik, Universitetin Europian të Tiranës. Siç e shihni në rankimin e mëposhtëm, UET është i renditur i 9-ti në Shqipëri, krahasuar me Universitetin Bujqësor të Tiranës është 4000 vende pas, ndërsa për sa i përket renditjes botërore mund të themi pa frikë që s?duket thuajse fare, sepse renditet në vendin 12.523.

Sigurisht në grupin e UET  futen dhe universitete të tjera private shqiptare, ku listimin e tyre e gjeni edhe më poshtë, duke përjashtuar Universitetin Epoka, që megjithëse është universitet privat, është padyshim një nga më të mirët në Shqipëri, i renditur i dyti në Shqipëri pas Universitetit Bujqësor.

Kjo nuk do të thotë se universitetet publike janë pa korrupsione, me ambientet më të mira, por duke vendosur secili veten në vendin e një studenti dhe prindi të tij, le të bëjmë një analizë të thjeshtë. A ia vlen sot të paguash 9 mijë euro për një universitet si UET që është thuajse më i njohuri, por që të ofron një diplomë  e cila sipas WUR renditet në vend të 12523? A ia vlen që një prind të paguajë 9 mijë euro për një Universitet të tillë, e të fusë në të viç për të nxjerrë kërriç? A ia vlen të paguash 9 mijë euro për universitetin më të njohur në Tiranë, por që në fakt ka të njëjtën renditje si Universiteti i Elbasanit, apo i Gjirokastrës?

Pra, janë të gjitha këto arsye dhe renditje që duhet të bëjnë çdo prind dhe maturant të mendohet dy herë përpara se të zgjedhë ku të studiojë apo edhe të zhvatet nga paratë.

Informacion shtesë rreth ?Webometrics Ranking of World Universities?:

?Webometrics Ranking of World Universities? është një iniciativë e Laboratorit Cybermetrics, një grup kërkimor që i përket Consejo Superoir de Investigaciones Cienticas(CSIC), vendi kërkimor më i madhi në Spanjë.

CSIC është e para organizatë kërkimore në Europë. Hapur në 2006, me 126 qëndra dhe institute të shpërndara në të gjithë Spanjën.

CSIC është e lidhur më Ministrinë e Edukimit dhe objektivi i saj kryesor është të promovojë kërkimet shkencore që të përmirësojnë progresin e shkencës dhe teknologjisë në nivelet më të larta të shteteve. Për më tepër, lexoni në LINKUN/CityNews





Lajmet e fundit nga