web counter
LEXO PA REKLAMA!

SHKARKO APP

App Store
Google Play

Situatë e njëjtë e zjarreve në vend/ EC thirrje qytetarëve: Më tepër bashkëpunim

9 Gusht 2017, 10:56, Aktualitet CNA

Emergjencat Civile kanë dhënë një informacion përmbledhës për situatën e zjarreveve në vend. Duket se situata vazhdon të mbetet e njëjtë si një ditë më parë, pasi në 24 orët e fundit janë raportuar për 13 vatra zjarri në qytete të ndryshme të Shqipërisë.

Për shkak të temperaturave të temperatuarave të larta që kanë vijuar edhe në mesin e muajt gusht, EC bën të ditur se janë riaktivizuar vatra pranë kishës së Shën Ndojit në Kurbin, vatra e zjarrit pranë tunelit të Elbasanit, vatra e zjarrit në Dibër në fshatin Madhesh.

Për shuarjen e flakëve janë angazhuar 128 forca zjarrfikëse dhe 215 ushtarakë si dhe vullnetarë.

Por EC ka kërkuar më tepër bashkëpunim nga ana e qytetarëve. Për këtë arsye u bëjnë thirrje banorëve të zonës për të lajmëruar sa më shpejt në kohë forcat zjarrifikëse duke i njoftuar në numrat e telefonit 112, 128 dhe 129.

Njoftimi në kohë i uniformave të zjarrfikëse, do të ndihmonte eshe në mos përhapjen e mëtejshme të flakëve të zjarrit duke rrezikuar edhe banesat përreth. Me dhjetra hektar kullota, shkurre e pyje janë djegur, por fatmirësisht nuk janë regjistruar dëme në njerëz dhe bagëti.

Ndërkaq pritet një përmirësim të situatës, duke qenë se sipas metorologëve, temperaturat do të ulen me disa gradë në fundjavë. /CityNews





Lajmet e fundit nga