E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Profili i ri i Bashës/ Njihuni me deputeten që s’ka frikë të jetë qesharake

9 Gusht 2017, 15:21, Aktualitet CNA

Një deputete fare e re e parlamentit shqiptar, ka tërhequr së fundi vëmendjen, duke dhënë sinjalet e para se si do të jetë identikiti i ri i demokratit të skalitur nga Basha. Për ata që nuk e njohin, ajo quhet Dhurata Çupi. Ka qenë një nga njerëzit që Lulzim Basha e ka marrë me vete nga bashkia dhe është bërë për herë të parë deputete në vitin 2016. Dhe ajo nuk nguron të jetë e bindur deri në përunjje ndaj kryetarit të sapo zgjedhur. Një intervistë për gazetëm Shekulli nuk ka lënë indiferentë asnjë nga ata që e kanë lexuar.

Aty gjenden thënie lapidare që edhe Jemin Gjana nuk do të kishte guxuar t?i thoshte. Ndërkohë që kudo gëlon debati nëse Basha po tenton një PD edhe më të mbyllur dhe autoritare se Berisha, znj Çupi as nuk e ka këtë problem. Sipas saj, PD ka vuajtur më shumë nga liria e tepruar (Po, po, ka guxuar ta thotë edhe këtë) sesa nga mungesa e lirisë. ?Mendimi ndryshe është respektuar gjithmonë në PD. Madje, mendoj se jo liria e kufizuar por liria pa kufi ka qenë ajo që i ka kushtuar ndoshta konsekuenca PD-së?, ka thënë ajo për Shekullin.

Por nuk e ka mbyllur me kaq. Sipas saj PD ka bërë një opozitë të shkëlqyer në 4 vitet që shkuan. Megjithëse mori në 25 qershor rezultatin më katastrofik të historisë së saj, znj Çupi mendon se PD ka qenë e suksesshme mandatin e shkuar: ?Ndërsa PD ka provuar të bëjë opozitë në të gjitha vitet e saj opozitare por opozitën më ballore, më të fortë, të faktuar me argumente, me kauza të cilat i ka fituar të gjitha, është opozita 2013- 2017?, ka guxuar të thotë ajo.

Për sa i përket deklaratave të tjera edhe aty çuditë nuk mungojnë. Dhurata Çupi pohon pa frikë se nuk ka dëgjuar për njeri që të jetë larguar nga PD-ja, se ajo njeh Bashën për kryetar të zgjedhur në mënyrë të rregullt, se ajo nuk ka asnjë mendim të saj dhe kryetari mund ta shpjerë ku të dojë, madje edhe në postin e përfolur të zv/kryetares së parlamentit dhe se secila forcë që do të bëjë opozitë duhet t?i bashkëngjitet PD-së.

Natyrisht të gjitha këto perla të sinqerta nuk do të përbënin asnjë habi për sa kohë që ato do të kumtoheshin nga ndonjë deputet i ri dhe anonim. Por ato marrin peshë sepse me sa duket këta njerëz kanë marrë peshë në PD-në e re të Bashës. Profile pa identitet, pa mendim të tyre, që mund të nxjerrin gjithçka nga goja boll që të jenë në rregull me kryetarin. Edhe Dhurata Çupi po tenton të jetë një nga ikonat e ?republikës të re?. Duke na ndihmuar të kuptojmë më mirë se si do të jetë opozita e ardhshme./lapsi.al