web counter
LEXO PA REKLAMA!

SHKARKO APP

App Store
Google Play

E fundit!

x

Skandali i policisë së Tiranës/ Dekonspiron qytetarin që filmoi atentatin te “Komuna e Parisit”

7 Gusht 2017, 08:36, Aktualitet CNA

Tre ditë më parë në Tiranë rreth orës 19:40, në rrugën “Sulejman Delvina”, katër persona të armatosur tentuan të vrisnin të riun Lorenc Hoxha.

E gjithë kjo ngjarje e cila tronditi kryeqytetin është sjellë nëpërmjet një kamera amatore, ku makina që ndodhej pas autorëve ka filmuar të gjithë skenën, duke u bërë një ndihmesë shumë e madhe për Policinë për identifikimin e autorëve.

Në pamje duken 4 të rinjtë,  mes tyre atentatori Dejvis Rustemaj i cili  i afrohet mjetit të Lorenc Hoxhës, hap derën e makinës dhe e qëllon me armë zjarri, ndërsa ky i fundit manovron me shpejtësi duke u larguar. Menjëherë pas tij largohen me shpejtësi dhe autorët e krimit.

Pak ditë më vonë edhe Policia publikoi një tjetër video nga një tjetër pozicion, marrë nga kamerat e Bashkisë të vendosura në kryqëzime . Në këtë video policia është siguruar që të fshehë targat e makinave të autorëve dhe objektivit të atentatit, si dhe fytyrat e tyre, por me ose pa qëllim targa e makinës që ka filmuar të gjithë ngjarjen nuk është fshirë nga pamjet duke e nxjerrë atë zbuluar përballë atentatorëve të Lorenc Hoxhës.

Ndoshta nga nxitimi për të publikuar sa më shpejt videon e ngjarjes për t?u treguar të gjithëve se kanë bërë punën e tyre në një kohë rekord, ajo nuk është kujdesur aspak për personin që i ndihmoi ato për të identifikuar autorët.

Dhe në këtë rast ndodh ajo që nuk ishte menduar të ndodhte. Policia është bërë shkak ndoshta për një ndezjen e një konflikti të ri mes katër të rinjve Dejvis Rustemajt, Klajdi Kodrës, Igler Qoses, Ardit Xheferrit dhe personit që i flimoi ato.

E ndërsa në shumë vende të tjera të botës, Policia i mbron persona të tillë madje u jep edhe shpërblime, Policia shqiptare i lë zbuluar ato, duke vënë në rrezik jetën e tyre.

Policia fatkeqësisht pasi i  dekonspiron shpesh këkron publikisht edhe bashkëpunimin e qytetarëve për të zbuluar autorët e ngjarjeve kriminale, por në fakt është vetë ajo që i nxjerr zbuluar përballë autorëve të krimit./CityNews

c3d3d98c-5f35-45e3-ae63-11d9db01edcb by e-d21





Lajmet e fundit nga